Astanadaǵy jańa bosanǵan ananyń ólimi týraly dárigerler pikir bildirdi. Astanada ótken brıfıń barysynda Qoǵamdyq densaýlyq saqtaý basqarma basshysynyń orynbasary Álıa Rústemova №1 perınataldyq ortalyqta qaza bolǵan áıelge qatysty mán-jaıdy aıtyp berdi.

«1 qyrkúıekte saǵat 22.20-da besinshi ólim tirkeldi. Bul kútpegen jerden bolǵan oqıǵa. «Sharana sýynan týyndaǵan embolıa» atty aldyn-ala dıagnoz qoıyldy. 2 qyrkúıekte patologanatomıalyq ashý jasalyp dıagnoz naqtylandy. Alaıda áli de naqty eshteńe aıta almaımyz. Gıstologıalyq zertteýden keıin bir apta kóleminde bári anyqtalady», - dedi Álıa Rústemova.

Rústemovanyń aıtýynsha, embolıa kóp jaǵdaıdy jańa bosanǵan áıelderdiń qaza bolýyna ákep soǵady.

«Áıeldiń júrek qaǵysy toqtaǵan soń, sábıdi aman alyp qalý úshin kesýge týra keldi», - dedi dáriger.

Al shtattan tys akýsher-gınekolog Tvan Korkannyń aıtýynsha, bul jaǵdaı jyl bastalǵaly besinshi ret bolyp otyr.

«Bar kináni dárigerlerge artyp qoıý – qatelik. Alaıda búginde júktilikten esh qıyndyqsyz ótip, aýrý-syrqaýsyz saý balany dúnıege kelý -15 paıyz áıelde ǵana kezdesedi. Ári júkti kezde ondaı boljam jasaý múmkin emes. Áıelderdiń 90 paıyzy derlik embolıadan kóz jumady. Bul álemdik statısıka, ony basqarý kúrdeli. Árıne jaǵdaı qıyn, dárigerler de qoldarynan kelgenshe tyrysyp baǵady. Bir adamnyń ajaly birneshe dárigerdiń muńy». – Ivan Korkan.

«Bala aman-esen dúnıege keldi, ol ómir súretin bolady», - dep sózin qorytyndylady Korkan.

Aıta keteıik, 21 maýsymda №1 perınataldyq ortalyqta bir áıel qaıtys boldy. Sol aıdyń 25-inde ekinshi áıel kóz jumdy. №2shildede taǵy bireýi ajal qushsa, 16 shildede №2 perınataldyq ortalyqqa sábıimdi qolyma alamyn dep kelgen ana baqılyq boldy.