Atyraýda jumyssyzdardyń sany qysqardy.
«Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan» baǵdarlamasy Atyraý qalasynda óz nátıjesin kórsetip jatyr. Jumyssyz azamattar qoǵamdyq jumystar men jastar tájirıbesine jıi aralasyp, óz bıznesterin ashýda. Nátıjesinde ótken jyldyń birinshi jartyjyldyǵymen salystyrǵanda, Atyraýdaǵy jumyssyz azamattar sany 2 myńǵa azaıǵan», - dedi qalalyq jumyspen qamtý jáne áleýmettik baǵdarlamalar bóliminiń basshysy Nurly Habıeva.
2018 jyldyń alǵashqy 6 aıynda Atyraý qalasynda 6 815 jańa jumys orny ashyldy, bul ótken jylǵy kórsetkishten 25%-ǵa artyq.
Aıta ketelik, baǵdarlama aıasynda bes jumyssyz óz bıznesin ashyp, 866 adam qoǵamdyq jumystarǵa tartyldy, 83 jergilikti turǵyn áleýmettik jumys oryndaryna ornalassa, 236 adam jastar tájirıbesinen, 104 adam kásiptik daıyndyqtan ótti.
