Keshe Oral qalasynan 125 shaqyrym qashyqtyqta ornalasqan Chapaev aýylynda polısıa qyzmetkeri vzvod komandırin atyp óltirdi. Oqıǵa AİİB-niń aýlasynda bolǵan. Qaza tapqan komandır 29, kúdikti 24 jasta. Komandır dárigerler kelgenshe tilge kelmeı kóz jumdy.  Osyǵan qatysty Qamshy.kz aqparat agenttigi İİM ókiline habarlasty. 

"Batys Qazaqstan oblysy Aqjaıyq aýdany Mamandandyrylǵan kúzet qyzmeti basqarmasy batalón komandıriniń qazasy boıynsha qazir arnaıy komısıa jumys istep jatyr. Bul komısıa Qazaqstan Respýblıkasy İshki ister mınıstrligi Ózindik qaýipsizdik departamenti jáne Ákimshilik polısıa komıteti qyzmetkerlerinen quralǵan.
Qazirgi ýaqytta kúdikti kinásin moınyna aldy. Aldyn ala jınaqtalǵan málimetterge qaraǵanda, qylmys jeke kelispeýshilikter saldarynan oryn alǵan. Qylmystyq is İshki ister mınıstrliginiń baqylaýynda.", - dep pikir bildirdi Almas Sádýbaev.