Aqylyńdy asyryp, kemshiligiń bolsa túzetýge tyrys..
Aqyldy jigit atqa da miner,
Taqqa da miner..
Bar aqylyńdy oryndy jerde paıdalana alsań, arman etken sansyz qıalyńnyń bári shyndyqqa aınalady..

Ómir bolǵan soń, seniń jolyńda nebir qıyndyqtar kezdesýi múmkin.. Jigerińdi jasytyp, keýdeńdegi otty óshirgisi keletin adamdar bolady..Ondaı kezde namysyńdy jany, basyńdy tik usta, nar keýdeńdi eshqashan eńkeıtpe..
Namys-er jigittiń kórki..
Jaqsy jigit - namysynyń quly..
Sony umytpa!

Ójette, aıbyndy bol balam..Seniń aıbynyńnan kól tolqýyn toqtatyp, jel soǵýyn toqtatyndaı bolsyn! Biraq aıbynyń men arynyńdy jaqsylyq ornatý úshin ǵana paıdalan! 
Aıbyndy er-aramdyqtan alys turar,
Jaqsylyqty jasasýǵa daıyn turar..

Eń keregi, arly bol, adal bol! Ómirde ne nárse jasasańda adaldyqpen jasa.. Aryń taza bolsa barlyq jerde jeńiske jetesiń!
Adaldyq - arymen jeńer..
Aramdyq - daýymen jeńer..
Adaldyqtyń aınasyna shań juqpaıdy..

Jetpis jurttyń tilin, alpys jurttyń dilin biletindeı,bilimdi bol! Eshqashan bildim, boldym dep keýdeńdi kóterme!Qansha bilseńde, úırenýden,izdenýden jalyqpa!
Bilimsiz ul - juparsyz gúlmen teń,
Bilimdi ul - jotasy bıik shyńmen teń..
Muny da umytpa..

Elińdi,tilińdi, ultyńdy,dinińdi qurmette!
Elińdi qasterlep, jaýynan qorǵa!
Tilińdi qadirlep, qasıetke bala!
Ultyńdy ulyq et, halqyńa qyzmet et!
Jaqsy ul-eliniń qamyn jer,
Jaman ul-eliniń malyn jer..
Jaqsy ul-ananyń aı-kúni,
Jaman ul-ananyń sor-muńy..
Osyny este saqta, qulynym!

Eshqashan eshkimge jamandyq tileme..Tipti jaýyńa da.. Barlyq janǵa meıirimdi bol.. Eshkimdi alalama.. Baı-kedeı,bar-joq dep bólme! Jamandyqqa-jaqsylyqpen qaıtarym jasaýǵa tyrys.. Adamnan syı almasańda, Jaratqannan úlken syı alasyń!

Ulym meniń! Anań seniń bul dúnıedegi eń aqyldy, eń ádiletti, eń meıirimdi bala ekenińe eshqashan shúbá keltirgen emes..Sonda da, seniń bolashaǵyńa kerek bolar-aý dep oı túıgen sózderimdi, shamam kelgenshe saǵan túsindirýge tyrystym..Anańnyń qalamyna ilikpeı qalǵan saǵan kerek dúnıelerdiń, seniń óz boıyńnan tabylatynyna men ımandaı senemin, kúnim...

Uldan Qoıshyqyzy