«Nur Otan» partıasy 7 myń oqýshyny aǵylshyn tiline oqytýǵa baılanysty maqsat qoıdy. Búgingi tańda 84 aýyldyq aımaqtar men Qazaqstannyń aýdan ortalyqtarynda «English for Jastar» jobasynyń sheńberinde 9-11 synyp oqýshylaryna arnalǵan tegin fakúltatıvtik kýrstar bastaý aldy. Joba Memleket basshysynyń tapsyrmasy sheńberinde iske asyp jatqan, úshtildilikti engizý jónindegi aýqymdy baǵdarlamany qoldaý úshin joba daıyndaldy. Ol oqýshylardyń aǵylshyn tili deńgeıin arttyrýǵa jáne qarym-qatynas mashyǵyn jaqsartýǵa kómektesýge paıdasyn keltiredi.
«English for Jastar» pılottyq rejımde ótkizilip 2 aıǵa 2018 jyldyń qyrkúıeginen qarashasyna deıin jalǵasady.
Aǵylshyn tilin oqýdy, tildiń qoldanýshylary men «Jas Otan» jastar qanaty sol úshin arnaıy iriktegen otandyq mamandar úıretedi. Respýblıkamyzda úshtildilikti damytýǵa nıet bildirgen 141 eriktilerdiń sany -141 adam boldy. Olardyń ishinde 75 qazaqstandyq joǵary oqý ornynda bilim alyp jatqan stýdentter.
Solardyń biri Abaı Myrzahmetov atyndaǵy Kókshetaý ýnıversıtetiniń 4 kýrs stýdenti Mıras Ózbekov. Ustaz retinde oǵan «Zelenyı bor» aýylynda óz múmkindigin tanytý múmkindigi týdy.
- Meniń maqsatym – aýyldyq mektepterdegi balalardy aǵylshyn tiline oqytý. Sonymen birge men ózimniń bilim deńgeıimdi arttyra túsýdi úmittenemin. Bul men úshin umytylmas tájirıbe bolatyn shyǵar degen oıdamyn, - dep atap ótti ol.
Aǵylshyn tilin oqytý boıynsha fakúltatıvtik kýrstar taǵy bir partıalyq joba sheńberinde barlyq elimiz boıynsha ashylǵan, 20 kovorkıng-ortalyqta, sonymen birge Qazaqstannyń 64 mektebinde uıymdastyryldy.
- Fakúltatıvterde oqýshylar mektepke qaraǵanda anaǵurlym tereń bilim alatyn bolady. Sonymen birge, taıaý ýaqytta balalardyń shet elden kelgen tildiń qoldanýshylarymen aralasý múmkindigi paıda bolady, - dep atap ótti Partıa hatshysy Tamara Dúısenova.
«English for Jastar» jobasy júzege asyp jatqan barlyq aýdandarǵa qajetti oqý quraldary jetkizildi. Osyǵan oraı 172 Elementary men Pre-Intermediate oksfordtyq qural jıyntyǵy bólindi. Ár jıyntyqta oqýshylarǵa arnalǵan Student`s Book, tapsyrmany jasaýǵa arnalǵan Workbook, sonymen birge aǵylshyn tilindegi fılmderdiń DVD-dıskileri bar.
«Jas Otan» Jastar qanaty men «Bolashaq» qaýymdastyǵy jobanyń uıymdastyrýshylary boldy. Jobaǵa akademıalyq kómekti «InterPress» til ortalyǵy kórsetti. Olardyń Oxford University Press (Anglıa) baspasynyń «Solutions» oqýlyǵy boıynsha, oqytýshylar qosymsha til syndyrady. Sondaı-aq, «AIESEC» halyqaralyq uıymy, «Bilim berý lıderliginiń ortalyǵy» JSHS, «Nazarbaev Ýnıversıteti» AQ, «Qazaq Air» áýekompanıasy AQ, «Meloman HOME VIDEO» JSHS, ál-Farabı atyndaǵy QazUÝ, «4KZTours» QR ishki týrızmdi damytý jónindegi amerıkandyq kompanıasy jobaǵa áriptestik tanytty.
