«Dúnıe oılap tursań sholaq eken,
Adamzat bir-birine qonaq eken.
Bir-birimizge qonaqpyz. Dúnıe ótedi de ketedi, biraq aqyry qandaı bolady? Sony oılaý úshin kelip júrmiz...»
Bul Sherhan Murtazanyń juma namaz kezinde aıtqan sońǵy ósıet sózi. Vıdeony «Asyl arna» telearnasynyń dırektory Muhamedjan Tazabek Instagram-daǵy paraqshasyna jarıalady.
Posmotret etý pýblıkasıý v InstagramSherxan Murtaza atamyzdyń juma namazdaǵy sońǵy ósıet sózinen... #asylarna
Aıta keteıik, 9 qazanda halyq jazýshysy Sherhan Murtaza qaıtys boldy.
Sherhan Murtaza 1932 jyly 28 qyrkúıekte Jambyl oblysy, Jýaly aýdany, Myńbulaq aýylynda dúnıege kelgen. 1955 jyly M.V.Lomonosov atyndaǵy Máskeý memlekettik ýnıversıtetiniń jýrnalısıka fakúltetin támamdaǵan.
«Lenınshil jas» (qazirgi «Jas Alash») gazetiniń, «Sosıalısik Qazaqstan» (qazirgi «Egemen Qazaqstan») gazetiniń tilshisi, ádebı qyzmetkeri boldy. 1963-1970 jyldary «Lenınshil jas» gazetiniń redaktory.
Sodan keıingi ýaqytta «Jazýshy» baspasynyń, «Jalyn» álmanahynyń, «Juldyz» jýrnalynyń bas redaktory, Qazaqstan Jazýshylar odaǵy basqarmasynyń ekinshi hatshysy, «Qazaq ádebıeti» gazetiniń bas redaktory ári Qazaqstan Jazýshylar odaǵy basqarmasynyń hatshysy.
1989-1992 jyldary «Egemen Qazaqstan» gazetiniń bas redaktory, 1992–1994 jyldary Qazaqstan Respýblıkasy memlekettik teleradıo kompanıasynyń tóraǵasy bolyp istedi. QR Parlamentiniń Májilis depýtaty bolǵan.
Jazýshynyń ár jyldary «Tabylǵan teńiz» (1963), «Belgisiz soldattyń balasy» (1969), «Ahmetjannyń anty» (1973), «Myltyqsyz maıdan» (1977) povesteri, «41-jylǵy kelinshek» (1972), «Internat nany» (1974) áńgimeleri, «Qara marjan» (1977), bes kitaptan turatyn «Qyzyl jebe», «Aı men Aısha» (1999) romandary, shyǵarmalarynyń tórt tomdyǵy (1990-2000), shyǵarmalarynyń 6 tomdyǵy, tańdamaly shyǵarmalarynyń 7 tomdyǵy, «Elim, saǵan aıtam, Elbasy, sen de tyńda» (K. Smaıylovpen birge) (1998), «Bir kem dúnıe» (2008) kitaptary jaryq kórgen.
Onyń shyǵarmalary KSRO halyqtary men shetel tilderine aýdarylǵan.
Qazaq tiline G.H.Andersenniń áńgimelerin, vengr halyq ertegilerin, Sh.Aıtmatovtyń «Botagóz», «Qosh bol, Gúlsary», «Teńiz jaǵalaı júgirgen tarǵyl tóbet», «Borandy beket» týyndylaryn; Mustaı Kárimniń «Bizdiń úıdiń qýanyshy» povesin, E.Erskınniń «Marykchan balalary» romanyn, L.Lagınniń «Hottabych qart» povesin tárjimalady. «Ázıza» pesasy Mádenıet jáne aqparat mınıstrliginiń grantyn jeńip aldy.
