Aqtaýda óńir basshysy Eraly Toǵjanovtyń qatysýymen oblys aktıviniń jınalysy ótti. Jıyn barysynda Prezıdent Nursultan Nazarbaevtyń "Qazaqstandyqtardyń ál-aýqatynyń ósýi: tabys pen turmys sapasyn arttyrý»atty jańa Joldaýynda aıtylǵan maqsattar men mindetterge qol jetkizý úshin qajetti sharalar aıqyndaldy.
Aımaq basshysy Joldaýdaǵy birinshi basymdyq halyq tabysynyń ósýi ekenin atap ótti. 28 myń búdjet qyzmetkeriniń eńbekaqysy orta eseppen 35% - ǵa ósedi. Sonymen qatar, múmkindigi shekteýli 25 000 adam úshin tólem mólsheri ulǵaıtylatyn bolady. Sondyqtan Eraly Toǵjanov barlyq búdjettik mekemelerge, jalaqyny kóterý týraly esepti ekonomıka jáne búdjettik josparlaý basqarmasyna dereý usynýdy tapsyrdy.
Básekelestikti damytý jáne monopolısik kompanıalardyń tarıfterin retteý máselesi boıynsha oblys ákimi monopolıaǵa qarsy Departamentke qalalyq jáne aýdandyq ákimdiktermen birlese otyryp, turǵyndardan jınalǵan qarajatty tıimdi paıdalaný boıynsha monopolıser men PIK-ke tekserý júrgizýdi tapsyrdy.
«Sonymen birge, Elbasy shaǵyn jáne orta bıznes úshin salyq amnıstıasyn júrgizýge tapsyrma berdi. Bul – ósimaqylar men aıyppuldardy esepten shyǵarý degen sóz. Negizgi krıterıı – tek adal salyq tóleýshiler úshin amnıstıa jarıalanady. Amnıstıa salyq bereshekteri aǵymdaǵy jyldyń 1 qańtaryna deıin paıda bolyp, 1 qyrkúıekke deıin tólenbegen jaǵdaıda ǵana júrgiziledi.Memlekettik kirister departamentiniń derekteri boıynsha, shamamen 600 shaǵyn jáne orta bıznes sýbektisi amnıstıany qoldana alady. Osy departamentke kásipkerlik jáne saýda basqarmasymen, qala jáne aýdan ákimderimen birlesip, salyqtyq amnıstıaǵa túsetin shaǵyn jáne orta bıznes sýbektilerimen tıisti jumysty júrgizýdi tapsyramyn»-dedi Eraly Toǵjanov.
Agroónerkásiptik sektordy damytýǵa memleket bólgen qarajat, birinshi kezekte, óńirdegi jergilikti aýyl sharýashylyǵy ónimderiniń kólemin ulǵaıtýǵa múmkindik beredi. Aýyl sharýashylyǵy basqarmasy Mınıstrlikpen qajetti qarajat bólý máseleleri boıynsha tıisti jumys júrgizýi qajet. Bul qarajat birinshi kezekte óńirdi jergilikti aýyl sharýashylyǵy ónimderimen qamtamasyz etý kórsetkishin arttyrýǵa múmkindik beredi.
Aýyl sharýashylyǵy basqarmasy qajetti qarajatty oblysqa bólý boıynsha Mınıstrlikpen tıisti jumystar júrgizýi qajet.
Sonymen birge, «Atameken» óńirlik kásipkerler palatasymen birlesip aýyl kásipkerlerine arnalǵan oqytý kartasyn ázirleýdi, sondaı-aq qarjy ınstıtýttary arqyly qarjylandyrylatyn jobalardy jandandyrýdy tapsyramyn.
«Elbasy ınovasıany damytýǵa erekshe nazar aýdarýdy tapsyrdy.Eń aldymen balamaly energetıkany, jańa materıaldardy, bıomedısınany jáne basqa da baǵyttardy ilgeriletýdi qamtamasyz etý qajet. Ol úshin oblysymyzda birqatar jumystar atqaryldy. Atap aıtsaq:Batyr aýylynda qýaty 2 Mvt kún elektr stansıasy paıdalanýǵa berildi;Mańǵystaý jáne Túpqaraǵan aýdandarynda jel jáne kún elektr stansıalarynyń qurylysy júrgizilýde. Sondaı-aq, munaı kompanıalary ınovasıalyq jobalar boıynsha úlken jumystardy qolǵa alýda»-dedi oblys ákimi.
Jıynǵa qatysqan bıznesókilderi, ustazdar qaýymy men jastar jaǵyjoldaýda aıtylǵan máselelerge qatysty óz oılarynortaǵa saldy.Kásipker Nadejda Karas kásipkerlerdi damytýǵa jáne qoldaýǵa erekshe kóńil bólingenin atap ótti. SHOB úshin nesıelendirýdiń qol jetimdiligi máselesi erekshe mańyzdy: "biz nesıeleýge qol jetkizgende óndiristi damytýǵa jáne jańǵyrtýǵa daıynbyz. Ekinshi deńgeıdegi banktermen uzaq merzimdi qarjylandyrý boıynsha jumys isteý qıyn, paıyzdyq mólsherlemeler óndiristi damytýǵa múmkindik bermeıtin joǵary, sondyqtan Prezıdenttiń bul maqsattaǵy halyq tutynatyn taýarlardy shyǵaratyn jobalarǵa 600 mlrd.teńge bólinetindigi týraly sheshimi óte ózekti jáne ýaqtyly. Bul sheshim otandyq óndiristiń damýyna serpin beredi" dedi.
