QR Mádenıet jáne sport mınıstri Arystanbek Muhamedıuly 100 sport ortalyǵyn salsa, 100 aýrýhana salýdyń qajeti joq degen oıda. Bul týraly mınıstr úkimet saǵatynda aıtty, dep habarlaıdy Qamshy.kz aqparat agenttigi. 

Mınıstrdiń málimetine sáıkes, halyqtyń sport ortalyqtaryna degen suranysy - 43 %. Aýyldy aımaqtarda sport ortalyqtarynyń tapshylyǵy - 80 %.

«Saraptama kórsetkendeı, aýyl turǵyndarynyń tek 20–25% ǵana sportpen shuǵyldana alady. Sondyqtan mınıstrlik 100 saýyqtyrý keshenderin salýdy kózdep otyr. Mundaı jaǵdaıda 100 aýrýhana salý qajettiligi bolmaıdy. Qazir qarjy máselesi sheshilip jatyr. Qarjynyń kóp bóligi fýtbol men hokeı komandalaryna bólinedi. Biraq negizgi qarjy jalpy sportqa jumsalynýy tıis. Bul másele, ásirese, aýyldy aımaqtarda sezilip otyr», -  deıdi Arystanbek Muhamedıuly.