Berik Ýálı óziniń Facebook paraqshasynda Taraz qalasyndaǵy "Jeńis" saıabaǵynda kóńil aıtý orny ashylǵanyn habarlady. 

"Alashtyń arda azamaty, qazaq ádebıetiniń kórnekti ókili, ultymyzdyń aıaýly perzenti, qoǵam qaıratkeri, Qazaqstannyń halyq jazýshysy, Jambyl oblysynyń týmasy Sherhan Murtazanyń qazasyna qaıǵyryp, baqılyq bolǵan halyq súıiktisin qurmetpen eske alǵysy kelgen jambyldyq turǵyndar úshin Taraz qalasyndaǵy Baýyrjan Momyshuly atyndaǵy "Jeńis" saıabaǵynda kóńil aıtý orny ashyldy. Onda áıgili jazýshynyń portreti qoıylyp, gúl shoqtaryn qoıam deýshiler úshin arnaıy oryn ázirlengen. 

Esterińizge sala keteıik, halyq jazýshysy, qoǵam qaıratkeri Sherhan Muratazany aqtyq saparǵa shyǵaryp salý rásimi 11 qazan kúni Almaty qalasynda ótedi. Al, Taraz qalasynyń turǵyndary men qonaqtary 11 qazan kúni tańǵy saǵat 10.00-den bastap "Jeńis" saıabaǵyndaǵy kóńil aıtý ornyna baryp, gúl shoqtaryn qoıa alady" dep jazdy Berik Ýálı.