5 qyrkúıekte Qyzylorda oblysynyń ákimi Qrymbek Kósherbaev Baıqońyrǵa is-saparmen bardy. Oblys ákimi is sapar barysynda birneshe kópqabatty turǵyn úıdiń qurylys jumystarymen tanysyp, oblystyq medısına ortalyǵynyń fılıaly men № 1 demalys ornyn aralady.
Sol kúni «Baıqońyr» qonaqúıindegi konferensıa zalynda Krymbek Kósherbaevtyń qatysýymen Baıqońyr qalasy men jaqyn mańdaǵy Toretam jáne Akaı aýyl-aımaǵynyń damytýǵa baılanysty jıyn ótti.
Atalmysh jıynda Baıqońyr qalasy ákimshiliginiń basshysy Konstantın Býsygın men ákimniń orynbasary Vıktor Lopatkın, Nıkolaı Adasev jáne Sergeı Dmıtrıev, «Baıqońyr» keshenindegi QR Prezıdentiniń ókili Serik Qojanıazov, taǵy basqa qyzmetkerler qatysty.
Birinshi bolyp sóz sóılep, jıyndy ashqan Krymbek Kósherbaev Baıqońyr qalasy men kosmodromdy damytý barysynda eki memleket arasynda úlken jobalardyń atqarylyp jatqanyn tilge tıek etti. Sonymen birge birikken jumystyń nátıjesinde jasalǵan «Báıterek» zymyrandyq kesheni iske qosylmaq.
«Baıqońyrdyń damýyna baılanysty keıbir máselerdi sheshý maqsatynda aýmaqtyq damytýdyń uzaqmerzimdi jobalary boıynsha birneshe jobalar iske asyrylyp jatyr. Atap ótetin bolsaq, turǵyn úı qurylysy men turǵyn úıdi gazben qamtamasyz etý úshin arnaıy jobalar iske asyrylyp jatyr. Taǵy bir aıta keterligi turǵyndarǵa barlyq jaǵdaıdy jasaý úshin qaladaǵy jol men eski turǵyn úılerdi qaıta jóndeýden ótkizý jumystary da júrgizilip jatyr. Al búgin biz osyndaı josparlardy talqylap, keı máselelerge baılanysty týyndaǵan suraqtarǵa jaýap berý úshin jınalyp otyrmyz», dedi oblys ákimi.
Biraq Baıqońyr qalasyndaǵy aýqymdy jobalardyń barlyǵyn birdeı iske asyryp, barlyq miselelerdi birden sheshýge memlekettiń qarajaty jetkiliksiz ekenin de eskertti oblys ákimi. Ol máselelerdi birtindep, jospar boıynsha sheshetinin atap ótti.
«Biz qaladaǵy turǵyn úı qurylysyna, tehnıkalyq-ekonomıkalyq negizinde jańarý men qaladaǵy sý qubyry men káris jelisin qaıta jańartý úshin búdjetten belgili bir mólsherde qarajat bólinedi. Aıta keterligi, qarajat belgili bir mólsherde, ret-retimen bólinetinin eskergen jón. Al Toretam men Aqsaı aımaqtaryn damytý arqyly biz Baıqońyrdy da damytyp jatyrmyz. Jaqyn arada bul aımaq Baıqońyr qalasynyń quramyna enetin yqsham aýdanǵa aınalady», dedi Kósherbaev.
Atalmysh jıynda Aeroǵaryshtyq komıtettiń orynbasary Ǵalymjan Danbaev Baıqońyr aılaǵyndaǵy ǵaryshtyq jobalar týraly aqparat berip, bul jobalardyń Baıqońyr qalasy men Toretam, Aqsaı aımaqtarynyń damýyna qandaı áserin tıgizetinin atap ótti.
