Bul týraly Aqtóbe oblysynyń memlekettik eńbek ınspeksıasy jónindegi basqarma basshysynyń mindetin atqarýshy Baýyrjan Ýrazaev málimdedi.
Onyń aıtýynsha, 2018 jyldyń basynan beri oblystyq uıymdar men kásiporyndarda 554 tekserý júrgizildi, nátıjesinde 1074 túrli buzýshylyqtar anyqtalǵan. Sonyń ishinde 883 – eńbek qatynastary, 165 – eńbek qaýipsizdigi jáne eńbekti qorǵaý, 26 - halyqty jumyspen qamtý máseleleri boıynsha anyqtaldy.
Jumys berýshilerge 417 uıǵarym berilip, 156 laýazymdy jáne zańdy tulǵalar 28,8 mln.teńge kóleminde ákimshilik jaýapkershilikke tartyldy, sondaı-aq basqalarǵa 47 eskertý berildi.
- Eńbek qatynastary salasy boıynsha, sonyń ishinde jalaqyny ýaqytyly tóleý máselelerine erekshe kóńil bólinedi. Biz alatyn ótinishterdiń 80% eńbekaqy tóleý men jalaqy tólemeý máselelerimen baılanysty, al buzýshylyqtardyń 70% eńbek qatynastary salasyna tıesili bolyp otyr. Osy kezeń aralyǵynda jalaqy boıynsha 381,9 mln. teńge kóleminde bereshek óteldi. Jalaqynyń ýaqytynda tólenbeýi faktileri boıynsha anyqtalǵan kásiporyndarǵa jedel sharalar qabyldanyp, qazir jaǵdaı baqylaýda, - dedi Baýyrjan Ýrazaev.
Eńbek qatynastaryn tıisinshe resimdeý jáne sharýashylyq júrgizýshi sýbektilerdiń qyzmetkerlerimen eńbek sharttaryn ýaqytyly jasasý máseleleri ózekti bolyp qalýda, osyǵan baılanysty óńirde " Eńbek shartyn jasa!" atty aksıa boıynsha 302 jumys berýshi 1086 qyzmetkermen eńbek shartyn jasasty.
Búginde elimizdegi shetelge qatysy bar kompanıalardaǵy jaǵdaı erekshe baqylaýda.
- Qazirgi tańda 1 qazanǵa deıin oblystaǵy 82 kompanıa 991 sheteldik jumysshylardy aldyrtýǵa ruqsat aldy. Jyl basynan beri sheteldik qatysymy bar 42 kásiporyn tekserildi, nátıjesinde 149 buzýshylyq anyqtaldy. Jumys berýshilerge buzýshylyqtardy joıý týraly 37 uıǵarym berilip, 10,3 mln. teńge kóleminde 20 aıyppul salyndy, - dep qorytyndylady mekeme ókili.
