«Nur Otan» partıasyna jańa hatshy bolyp Ilá Terenchenko keldi, dep habarlaıdy Qamshy.kz aqparat agenttigi. Ol buǵan deıin Pavlodar oblysyndaǵy «Nur Otan» partıasy fılıalynyń tóraǵasynyń orynbasary bolyp qyzmet atqarǵan.

Ilá Terenchenko QR prezıdenti Nursultan Nazarbaevtyń sheshimimen partıa hatshysy bolyp taǵaıyndaldy. «Nur Otan» partıasy tóraǵasynyń birinshi orynbasary Máýlen Áshimbaev áriptesterine jańa orynbasardy tanystyryp, partıanyń budan bylaı laıyqty túrde jumys isteıtinin aıtty.

«Partıanyń Pavlodar oblysyndaǵy fılıaly sońǵy jyldary jaqsy kórsetkish kórsetti. Partıalyq jobalardy júzege asyrýy, IT-klass, IT-ortalyqtar jáne basqa da baǵyttardyń ashylýy barysynda belsendi boldy. Búginde Pavlodar oblysy partıamyzdyń fılıaldary arasynda kósh bastap turǵanyn nyq senimmen aıta alamyn. Pavlodar oblystyq fılıalynyń tóraǵasynyń orynbasary partıamyzdyń orynbasary etip taǵaıyndalýy – partıanyń laıyqty túrde jumys isteıtininiń aıǵaǵy. Ár óńirlerde kimniń qalaı jumys istep jatqanyn biz jaqsy bilemiz. Berilgen tapsyrmalardy oryndaı alýy, tıanaqtylyǵy, uqyptylyǵy, jaýapkershiligi bizdiń baqylaýymyzda», - dedi Máýlen Áshimbaev.

Sonymen qatar jańa orynbasardyń partıanyń damýyna, jańǵyrýyna úlesin qosyp, tyń ózgerister ákeletinine senimdi. Partıanyń aldyndaǵy mindetter, memleket basshysynyń 5 áleýmettik bastamasyn júzege asyrý, «Nur Otannyń» 20 jyldyǵyn atap ótý jumystary endigi jańa orynbasardyń moınyna júkteldi. Al Áshimbaev Terenchenkonyń bul sharalardy ońaılyqpen alyp shyǵatynyna senip otyr.

«Memleket basshysy bizge, jańa orynbasarǵa úlken senim artyp otyr. Ári Ilá Sergeıulynyń múmkindikterin, iskerlik qasıetterin, energıasyn da kórip otyr. Jańa tabystar tileımin. Bul kúz «Nur Otanǵa» jańa lep ákelmek», - dedi birinshi orynbasar.

Ózine úlken senim artylǵan Ilá Terenchenko alǵys bildirip, jaýapkershilikti abyroımen atqaryp shyǵatynyn, basshylardyń, nurotandyqtardyń senimin aqtaıtynyn aıtty.

«Partıa qataryna alǵash 2004 jyly qosyldym. «Jas Otan» jastar qanatynyń qoǵamdyq jumystaryna belsendi aralastym. Pavlodar qalalyq máslıhatynyń depýtaty bolǵanda da. fraksıa jetekshisi, partıanyń oblystyq fılıalynda orynbasar bolyp qyzmet etip júrgenimde de, jaýapkershiligimdi jaqsy túsindim. Endi, mine, jańa qyzmetke taǵaıyndalyp, muny merıtokratıanyń jarqyn úlgisi dep qabyldaımyn. Úmitterińizdi aqtaımyn», - dedi sóz alǵan Ilá Terenchenko.

Aıta keteıik, Ilá Terenchenko 1983 jyly 15 qarashada Pavlodar qalasynda týǵan. Zańger, qarjy jáne kredıt, sondaı-aq, saıasattaný mamandyqtary boıynsha joǵary bilim alǵan. 2006 jyldan beri «Nur Otan» partıasynyń múshesi. Birneshe jyl bıznes salasynda jumys istegen ol Pavlodar oblysynda kásipkerler palatasynyń aýdandyq fılıalyn basqarǵan. Sondaı-aq «Nur Otan» partıasy Pavlodar oblystyq fılıaly tóraǵasynyń orynbasary bolyp qyzmet atqardy. Al 2016 jyldyń sáýir aıynan bastap búginge deıin «Nur Otan» partıasy Pavlodar oblystyq fılıaly tóraǵasynyń birinshi orynbasary bolyp jumys istedi.