Ombynyń oblystyq sotynda azıalyqtarǵa shabýyl jasaýmen aınalysqan bandıtterdiń isi qaralý ústinde. Máseleniń mán-jaıyna keler bolsaq, MMA-dyń burynǵy balýany, kezinde áleýetti qurylymdarda qyzmet atqarǵan Nıkıta Fedonenko atalmysh bandanyń lıderi. Onyń qasynan árkez tehnıkalyq ýnıversıtettiń úshinshi kýrs stýdenti Aleksandr Bezborodov pen 17 jastaǵy Aleksandr Lanbın tabyla bilgen. Keıinnen qastaryna 17 jastaǵy boıjetken Regına Mıkýlıchevany qosyp alǵan. «Jezókshe» degen laqap atpen jumys jasaǵan osy Mıkýlıcheva.
Bul banda bir jyl boıy qarańǵy kóshelerdi kezip, ózderine qurban bolar azıattardy ańdyǵan. Bastysy ol adamnyń qasynda serik bolmaýy tıis. Qarańǵy túnde jalǵyz júrgen azıattardy kórgende ombylyq bandıtter qoldaryndaǵy ár túrli qural-saımandardy paıdalaný arqyly (pyshaq, gaz balonchıgi, myltyq, ur toqpaq) tap bergen.
Kúnderdiń bir kúninde bandanyń joly bolmaı, Landın degen bandıt dostary aýrýhanadan biraq shyǵady. Sol kezde ombylyq bandıtter basqasha josparmen jumys jasaýǵa kóshedi. Endigi basty ról Mıkýlıchevaǵa tapsyryldy. Qyz áleýmettik jelide azıat jigittermen tanysyp, olardy kezdesýge shaqyryp otyrǵan. Alaıda onyń ornyna qarýly bandıt dostary klıenttermen kezdesip otyrǵan. Munyń arty jaqsylyqpen bitpegen.
Sondaı kezdesýlerdiń birinde Vaga Zalıbekán esimdi azamat kóz jumady. Keıinirek adam óltirý faktisi boıynsha banda izdeýge jarıalanady. 2018 jyldyń 14 mamyrynda atalmysh is boıynsha alǵashqy sot otyrysy ótedi. Degenmen sot aldynda jaýap beretin bandıtter ol kezde ne abaqtyda, ne qaladan ketpeý qolhatymen júrgender bolyp shyqty. Bostandyqta Lanbın men Mıkýlıcheva bolatyn. Oqýshy qyzdy uryp-soǵyp, qansyraǵan kúıinde qaldyryp ketken Aleksandr Lanbın de kóp uzamaı qolǵa túsedi. Tórt aıdan keıin ıaǵnı ústimizdegi jyldyń qazannyń 15-i kúni Mıkýlıcheva da quqyq qorǵaý organdarynyń ýysyna túsedi. Búgin «jezókshe» Mıkýlıcheva sot aldynda barlyq jasaǵan qylmysy úshin tik turyp jaýap bermek. Ombynyń bandıtteri qansha qara kózdiń obalyna qalǵanynan biz beıhabarmyz. Bul týraly naqty aqparat eshqaıda joq. Degenmen ombylyq ońbaǵandardyń abaqtyǵa qamalatyndary kóńil jubatady.
