«7-20-25» ıpotekalyq turǵyn úı kredıtteý baǵdarlamasy negizinde ekinshi deńgeıli banktermen 1,6 mlrd. teńgege 194 ótinim maquldandy». Oblys ákimdiginde ótken apparat jıynynda Qurylys, sáýlet jáne qala qurylysy basqarmasynyń basshysy Eldar Mashyryqov osylaı dedi.

Bıyl 9 aıdyń qorytyndysy boıynsha 910,5 myń sharshy metr turǵyn úı qoldanysqa berilgen. Jyl sońyna deıin is júzinde 1,0 mln. sharshy metr turǵyn úı paıdalanýǵa beriledi dep josparlanǵan.

Oblys boıynsha turǵyn úımen qamtamasyz etilý 1 turǵynǵa 22,4 sharshy metrdi quraıdy (QR boıynsha – 21,6 sharshy metr).

Aıta keteıik, jyl sońyna deıin Aqtaý qalasynda 2300 páter tapsyrylmaq.

-Paıdalanýǵa beriletin turǵyn úıler kóleminiń qarqyny jyl saıyn 10%-ǵa ósip otyrsa jáne halyq sany 3%-ǵa ósse, turǵyn úımen qamtamasyz etilý kólemi 2025 jylǵa 1 turǵynǵa 30 sharshy metrdi quraıdy. Qosymsha nesıeler turǵyndarǵa qaıtarymdylyq, aqylylyq jáne maqsatty paıdalaný negizderinde beriledi. Qosymsha nesıeniń jyldyq mólsherlemesi 7%-dan aspaıdy, nesıe merzimi – 3 jyl, - deıdi Eldar Mashyryqov