Aqtaýda áýejaıǵa qatynaıtyn elektroavtobýs iske qosyldy

    Nazerke Labihan
    Aqtaýda áýejaıǵa qatynaıtyn elektroavtobýs iske qosyldy

    Endi qalada «Aqtaý – Halyqaralyq áýejaı – Aqtaý» baǵytynda №10 jáne №11 avtobýs turǵyndarǵa qyzmet etetin bolady. Baǵasy 350 teńge.

    Jolaýshylar tasymalyna arnalǵan 47 oryndyq «Ankai» avtobýsy elektr qýatymen jumys isteıtindikten, ekologıalyq jaǵynan tıimdi. Ony qýattaýǵa 2,5-4 saǵat ýaqyt qajet. Bir ret qýattalǵan soń shamamen 160 shaqyrymdy eńsere alady. Elektrobýs únemi qýattalyp otyrý úshin arnaıy tok stansasymen qamtylǵan.

    Jeldetkishpen, qol júkterine arnalǵan sóremen qamtylǵan, 4 beınebaqylaý qurylǵysy ornatylǵan. Aldyńǵy bóliginde syrtqy dybystardy qabyldaǵysh qurylǵysy bar.

    №10 marshrýt «Jeruıyq» qonaq úıi janynan júrip qala ishi arqyly áýejaıǵa jetse, №11 marshrýt «Kaspıan Rıvera» qonaq úıi janynan jolǵa shyǵyp, teńiz jaǵalaýy arqyly ótedi. Elektrobýs aıaldamalary men ýaqytyn infobus.kz saıty arqyly anyqtaýǵa bolady.

    Qatysty Maqalalar