Aqtaýda oblystyq onkologıalyq dıpanserdiń qurylysy qaıta jandandy. Qurylysy 2011 jyly toqtap qalǵan nysannyń jumysymen oblys ákimi Eraly Toǵjanov tanysyp qaıtty. Bıyl nysan qurylysyn jalǵastyrýǵa 7 mlrd. teńgeden astam qarjy bólingen. Mańǵystaý oblysy ákiminiń baspasóz qyzmetiniń málimetinshe, dıspanser qurylysy 2019 jyldyń sońynda aıaqtalmaq.

Oblystyq onkologıalyq dıspanserde 100 oryndyq aýrýhana jáne dıagnostıkalyq ortalyq bolady dep josparlanǵan. Birinshi qabatta emhana, ekinshi qabatta ákimshilik korpýs ornalaspaq. Joǵarǵy qabattarynda hımıoterapıa, hırýrgıa, sáýlelik terapıa t.b. kúndizgi em-shara bólimderi jasaqtalady.

Qazirgi tańda jańa klınıkada jumys isteý týraly bilikti medısına mamandarymen kelissózder júrgizilip jatyr.

Oblys ákimi Eraly Toǵjanov jaýapty qyzmetkerlerge qurylys barysy týraly apta saıyn baıandap turýdy tapsyryp, barlyq qajetti zamanaýı jabdyqtardy satyp alý joldaryn qarastyrý qajettigin aıtty.

Sonymen qatar aımaq basshysy «Máńgilik alaý» monýmentiniń qaıta qalpyna keltirý jumystarymen tanysty. Shild eaıynda bastalǵan jóndeý jumystary 2018 jyldyń qarasha aıynda aıaqtalady dep josparlanǵan.

Qazirgi kezde aleıadaǵy trotýar tolyǵymen alynyp, ornyna birden jańasy tóselip jatyr. Budan bólek, eskertkishtiń syrtqy eski keramıkalyq qabaty alynyp, suıyq travertınmen qaptalýda. Mármár eden tósenishteri jańadan aýystyrylady. Sondaı-aq, aınalada jańa oryndyqtar, qoqys jáshikteri men shamdar ornatylmaq.