Saıys jasóspirimder arasynda 2009 jyldan beri dástúrli túrde uıymdastyrylyp keledi.

Eýropa kýbogynyń jeńimpazy, Eýropa birinshiliginiń kúmis júldegeri, 200 metrge júgirýde Keńes Odaǵynyń 5 dúrkin chempıony, jeńil atletıkadan 100, 200, 400 metrge deıin júgirýden Qazaqstannyń 3 dúrkin chempıony, álem rekordtarynyń jańartýshysy – Ámın Elemesuly Tuıaqovtyń qurmetine ótkizilgen saıysqa bıyl da Mańǵystaý oblysynyń barlyq qala, aýdandarynan atletter kelip, baq synady.

Sharaǵa Ámın Tuıaqovtyń ózi arnaıy kelip, jas sportshylarǵa sáttilik tiledi. Ardager atlet pen onyń jaryna «Aqtaý qalasynyń áleýmettik-ekonomıkalyq damýyna qosqan úlesi úshin» tósbelgi men syı-sıapat tabystaldy.

-Týrnırge 2001-2002, 2003-2004 jyly týylǵan jasóspirimder qatysty. Olar 100, 200, 400, 800 metrge júgirý jáne estafeta syndarynda baq synady. Estafetaǵa 4 adam qatysyp, árqaısysy 200 metrden júgirdi. Budan bólek qashyqtyqqa sekirý saıystary bar, — deıdi jarystyń bas tóreshisi Dmıtrıı Slavnov.

Jarys respýblıkalyq statýsqa ıe bolǵanymen qatysýshylar tek oblys sportshylary. Degenmen sala ókilderi aldaǵy ýaqytta túgel aýmaqty qamtymaq nıette ekenin jetkizdi.

-Búgingi dodaǵa 120-ǵa jýyq sportshy qatysty. Kelesi jyly atalmysh týrnırge basa nazar aýdaryp, búkil Qazaqstan kólemindegi atletterdi qatystyrýǵa tyrysamyz, — deıdi MO sport basqarmasy basshysynyń m.a. Nurbek Qarabalaev.

Saıystyń nátıjesinde 100 metrge júgirýden: Maı Marıa (g.Aktaý), Agafonova Ekaterına (Aqtaý), Aldanazarov Nurǵısa (Túpqaraǵan aýdany), Qýanyshbek Damır (Aqtaý); 200 metrge júgirýden: Agafonova Ekaterına (Aqtaý), Qýanyshbek Damır (Aqtaý);

300 metrde: Akenıeva Alına (Aqtaý), Gorbachóv Bogdan (Aqtaý);

400 metrde: Gerasımova Ksenıa (Aqtaý), Mıtrohın Dmıtrıı (Aqtaý);

800 metrde: Óteýlıeva Mánshúk (Qaraqıa aýdany), Reımbaev Baýyrjan (Aqtaý);

1000 metrde: Orynbasar Medına (Aqtaý), Gorbachóv Bogdan (Aqtaý);

Qashyqtyqqa sekirýde: Amanjanova Gúlnaz (Qaraqıa aýdany), Raqymǵalıeva Móldir (Jańaózen), Myjyqov Dıas (Munaıly aýdany), Lysenko Aleksandr (Aqtaý);

Estafetadan Aqtaý qalasynyń sportshylary úzdik shyqty. Jeńimpazdarǵa dıplomdar men aqshalaı syılyq tabystaldy.