Bul jóninde Mańǵystaý oblystyq bilim basqarmasy basshysynyń mindetin atqarýshy Nurlybek Qoıjanov apparat jıynynda málimdedi.

Ol Elbasynyń «Bes áleýmettik bastamasyn» júzege asyrý maqsatynda qolǵa alynǵan jumystar jaıynda málimdep, birneshe jumys josparyn tanystyrdy.

Nurlybek Qoıjanovtyń aıtýynsha, oblystaǵy 27 kolejde (16-sy memlekettik, 11-i jekemenshik) 21244 stýdent bilim alyp jatyr. Al stýdentterdiń jataqhanaǵa qajettiligi 1800 oryndy quraıdy.

Osyǵan oraı, Aqtaý qalasynan 3b sh/a 52a ǵımaratynda 200 orynǵa arnalǵan jataqhanany respýblıkalyq búdjet esebinen satyp alý rásimderi júrgizilýde.

Osy ǵımarattyń janynan taǵy 400 oryndyq jataqhananyń qurylysyn qarasha aıynda bastaý josparlanǵan. Nysan qurylysy MJÁ negizinde júrgizilmek.

«Budan ózge MJÁ arqyly 500 jáne 300 oryndyq eki jataqhana, sondaı-aq memlekettik búdjet esebinen Aqtaý qalasynan taǵy 500 oryndyq jáne Jańaózen qalasynan 100 oryndyq jataqhana salý josparlandy», — deıdi Nurlybek Qoıjanov