Qaraqıa aýdanynyń 45 jyldyǵyna oraı Quryq aýylynda saltanatty jıyn ótip, bir top eńbek ardagerleri, geolog-barlaýshylar, osy aýdanda kóp jyldar basshylyq etken, aýdannyń qurylýy men qalyptasýyna atsalysqan azamattar «Qaraqıa aýdanynyń 45 jyldyǵy» merekelik tósbelgimen marapattaldy. Sonymen qatar bineshe azamatqa «Qaraqıa aýdanynyń qurmetti azamaty» ataǵy tabystaldy.

Marapat alǵandar qatarynda Tóken Jumaǵulov, Tursynǵalı Kóshenuly, Svetqalı Nurjan, Myrzataı Bolat, Oryn Qulsarıev, Esen Kúmisqalı, Salamat Nuruly, Danıar Aralbaev, Asqar Rzahanov, Chapaı Ábilov syndy elge tanymal tulǵalar bar.

Qurylǵanyna 45 jyl bolǵan Qaraqıa aýdanynda búginde 37 myńǵa jýyq turǵyn bar. Aýdandaǵy 16 mektepte 7,5 myńnan asa bala bilim alyp jatyr.

Aýdannyń qurylýyna, qalyptasýyna S.Qyrymqulov, Ó.Ozǵanbaev, T. Kóshenuly atsalyssa, Oryn Qulsarıev, Aqsulý Qudabaeva, Aıgúl Qosanova, Luqpan Joldasov, Aqmaral Erimbetova, Jolaman Kóshkinovter ónerimen qut meken Qaraqıany álemge tanytyp júr. Tórt túlik maldyń jaıyn bir kisideı biletin, ony damytýǵa úles qosqan Qalpaq Naýryzmaǵanbetov te osy aýdannyń azamaty. Qalamyna til bitirgen, óleń-sózdiń marǵasqalary Svetqalı Nurjan, Myrzataı Bolat osy qasıetti topyraqtan shyqqan.

«Máshhúr Júsip atamyz elinen adam shyqpaǵan eldi qatarǵa qospaıdy eken. Bul kisiler maqtaýǵa muqtaj emes. Biraq osy topyraqta týyp, onyń qasıetin búkil elge kórsetip júrgen tulǵalardy óskeleń urpaq bile júrsin degen nıetpen attaryn atap otyrmyz. Bul qasıetti mekennen áli de talaı azamat shyǵady dep senemiz», — degen Mańǵystaý oblysy ákiminiń orynbasary Maqsat Sqaqov Qaraqıa aýdanynyń tanymal ókilderiniń atyn atap, árqaısysyna óz alǵysyn jetkizdi. Elge tanymal aqyn Mels Qosymbaev aýdannyń mereıtoıyna tartý retinde óleń joldaryn arnady.

Sondaı-aq saltanatty sharaǵa kelgen qonaqtar Qaraqıa aýdanynyń 45 jyldyǵyna oraı aýdan kásipkerleri ázirlegen ulttyq ónimder men qolóner buıymdarynyń kórmesin tamashalady. Aýdannyń 45 jyldyǵyna arnalǵan sharalar «Yntymaq» alańyndaǵy merekelik konsertpen jalǵasyp, óńirimiz ben respýblıkaǵa tanymal óner ıeleri kóńildi keshtiń kórigin qyzdyrdy.

Quryq aýylynyń ortalyq stadıonynda aýdannyń mereıtoıyna oraı fýtbol saıysy ótti. Budan soń sporttyq merekege qatysýshylar qol kúresinen saıysyp, júgirýden estfeta uıymdastyryldy. Sonymen qatar osy kúni aýdannyń ortalyǵy Quryq aýylynda jańadan salynǵan birneshe nysan ashylyp, paıdalanýǵa berildi. Olardyń qatarynda keń sporttyq zal men murajaı da bar.

Esterińizge sala keteıik, byltyrdan beri aýdan kóleminde «Rýhanı jańǵyrý» baǵdarlamasy aıasynda «Jádiger jerde qalmasyn», «Mýzeıge syı tartý» aksıalary uıymdastyrylyp, el arasynda eleýsiz jatqan mańyzy zor qundy jádigerlerdi jınaqtaǵan bolatyn. Keshkisin Qaraqıa aýdanynyń 45 jyldyǵyn arnalǵan saltanatty jıyn ótip, merekege oraılastyrylǵan sharalar gala konsertpen aıaqtaldy.