Mańǵystaý oblysy Munaıly aýdany Basqudyq aýylyna jaqyn jerde qýaty jylyna 50 000 tonna qaldyqtardy suryptaý stansıasynyń qurylysy aıaqtaldy.

Bul jóninde mańǵystaý oblysynyń ákimi Eraly Luqpanulynyń tóraǵalyǵymen ótken apparat jıynynda tabıǵı resýrstar jáne tabıǵat paıdalanýdy retteý basqarmasynyń basshysy Dúısen Qusbekov málimdedi. Jıynnyń kún tártibinde birneshe másele qaraldy. Sonyń biri – turmystyq qatty qaldyqtardy qaıta óńdeý jáne óńdeý.

-2018 jyldyń 8 aıynda polıgonda óńirdegi 129 521 tonna qatty qaldyqtyń 10 254 tonnasy óńdeldi. 10 093 nemese (49%) qoqys konteınerleri ornatyldy, - dedi Dúısen Qusbekov.

Mańǵystaý oblysynda sanıtarlyq normalarǵa sáıkes keletin qatty turmystyq qaldyqtarǵa arnalǵan 8 polıgon bar: Aqtaý, Jańaózen, Fort - Shevchenko, Beıneý, Quryq, Jetibaı, Shetpe, Qalamqas ken orny. Jańaózende qýattylyǵy 2,2 mln m3 qatty turmystyq qaldyqtardy qaıta óńdeý jáne kádege jaratý zaýyty jumys isteıdi.

Dúısen Qusbekovtyń aıtýynsha, Munaılydaǵy stansıada polıgonda kómýge tyıym salynǵan 8 fraksıanyń qaldyqtary suryptalmaq.