Bul jóninde búgin Elbasynyń Qazaqstan halqyna joldaýy barysynda málim boldy. Buryn atalmysh óńirde memlekettik qyzmettegi bir orynǵa 2 adam ǵana nıet bildirgen.

Elbasy joldaý barysynda memlkettik qyzmet salasynyń sapasyna toqtaldy. Qyzmetkerler sanyn qajetinshe qysqartý arqyly qarjyny únemdep, sapaly jumys isteıtin mamandarmen tolyqtyrý qajettigin alǵa tartty.

QR Úkimetiniń 2017 jylǵy 29 jeltoqsandaǵy 939 qaýlysyna sáıkes, memlekettik ákimshilik qyzmetshilerge eńbekaqy tóleý júıesiniń pılottyq rejımi Astana, Almaty qalalarymen birge Mańǵystaý oblysyna da engizilgen bolatyn. Osyǵan oraı, Elbasy júıege ózge óńirlerden buryn alǵashqy bolyp engen aımaqtyń basshysynan bul jobanyń nátıjelerin surady.

-Nursultan Ábishuly, ózińizdiń bergen tapsyrmańyzǵa baılanysty naqty nátıjeler bar. Mańǵystaýda memlekettik qyzmetkerlerdiń jalaqysy 2,5 ese kóbeıdi. 84 memlekettik qyzmetker qysqartyldy, onyń 24-i basshylar. Buryn ár memlekettik qyzmetke 2 adamnan kelse, qazir 16 adamǵa deıin jetti. Memlekettik qyzmettiń deńgeıi 4 ese ósip, aryz-shaǵymdar sany 3 ese azaıdy. Sonymen qatar búginde optımızasıanyń arqasynda mektepterde, medısına salasynda 536 mln teńge ekonomıa shyǵyp otyr. Qurylys salasyna da veb-tehnologıany engize otyryp, 1,8 mlrd teńge únemdeýge múmkindigimiz bar. Qajetsiz jobalardy toqtatýdyń nátıjesinde búginde 4 mlrd teńgege deıin búdjet qarjysy únemdeledi dep josparlap otyrmyz, — dedi Mańǵystaý oblysynyń ákimi Eraly Luqpanuly.