Qazposhta Álemdik jáne dástúrli dinder seziniń 15 jyldyǵyna arnap merekelik marka shyǵardy

    Nazerke Labihan
    Qazposhta Álemdik jáne dástúrli dinder seziniń  15 jyldyǵyna arnap  merekelik marka shyǵardy

    Bıyl Álemdik jáne dástúrli dinder seziniń qurylǵanyna 15 jyl. Osy aıtýly merekege oraı «Qazposhta» AQ «QR-nyń Álemdik jáne dástúrli dinder sezine 15 jyl» taqyrybyndaǵy poshta markalaryn aınalymǵa shyǵardy.

    Onyń saltanatty rásimi Álemdik jáne dástúrli dinder kóshbasshylarynyń VI sezine baılanysty uıymdastyryldy. Atalǵan is-shara Astanada ótip, oǵan QR Qoǵamdyq damý mınıstri Darhan Qaletaev pen «Qazposhta» AQ Basqarma tóraǵasy Sáken Sársenov qatysty.

    Bul markada Beıbitshilik jáne kelisim saraıynyń sýreti beınelengen. Al taralymy – 20 myńdy quraıdy. Ólshemi – 156h150 mm.

    Buǵan deıin Qazposhta óziniń 25 jyldyǵyna oraı mereıtoılyq markalaryn shyǵarǵan bolatyn. Ol markalarda Qazaqstan poshtasynyń ómirindegi eń mańyzdy sátter beınelengen. Olar: táýelsiz Qazaqstannyń alǵashqy markasy «Altyn Sarbaz», poshta jáne telegraf keńsesindegi alǵashqy úıi, poshta bólimshesiniń sońǵy jetistikteri jáne balalardyń kózimen bolashaqtaǵy qazaqstandyq poshta. Búginde kompanıa jylyna 80 mln-ǵa jýyq klıentke qyzmet kórsetedi. Buǵan qosa, Astana, Qaraǵandy, Almaty, Aqtóbe qalalarynda 6 sıfrlyq keńsesi jumys istep tur. «Sıfrlyq Qazaqstan» memlekettik baǵdarlamasy aıasynda Astana jáne Almaty qalalarynda e-commerce ortalyǵy ashyldy. Onda 1200-den astam kásipker onlaın satýdy qolǵa aldy. Osy eki shaharda 1 mln-ǵa jýyq sálemdeme jetkizilgen fýlfılment-ortalyǵy iske qosyldy. 6 myńnan astam qoldanýshy onlaın tólem jasaý úshin post.kz saıtyndaǵy elektrondyq ámıandy qoldanady.

    Qatysty Maqalalar