Qazaq radıosynyń «Altyn daýysy» – Ánýarbek Baıjanbaev, «Sandýǵashy» –Saýyq Jaqanova syndy tulǵalardyń izin jalǵaıtyn «QAZAQ RADIOLARY» seriktestigine qarasty: «Qazaq radiosy» «Shalqar», «Astana», «Classic» radıolarynyń jarshysy atanar, talapty da talantty jasty anyqtaý maqsatynda «QAZAQ RADIOLARY» seriktestigi dıktorlyqqa kastıng jarıalaıdy!  

Astana qalasynyń qatysýshylary úshin kastıng 23 qarasha kúni saǵat 15:00-de Qonaev kóshesi 4-ǵımaratta ornalasqan Qazmedıa ortalyǵynda ótedi. Qatysýshylar 20 qarashaǵa deıin kazdictor@gmail.com elektrondy poshtasyna jeke tólqujatynyń sýretin jiberýi mindetti!

Al, elimizdiń basqa aımaqtarynan qatysýǵa nıet bildirgen azamattar kez kelgen aqynnyń bir óleńin (3mın) jáne aqparattyq mátindi (1mın) oqyp mp3 formatta, óńdeýsiz kazdictor@gmail.com poshtasyna jiberýi kerek. Aýdıomátinder jaqshada kórsetilgen ýaqyttan aspaýy tıis. Kastıngke túsken materıaldardy irikteý ýaqyty qarashanyń 1-i men 20-sy aralyǵy, 23 qarashada qorytyndylanady. Sondaı-aq, qatysýshylar tólqujatynyń sýretin de (eki jaǵy) joǵaryda kórsetilgen elektrondy mekenjaıǵa jiberýi kerek.

Kastıngke 18 ben 30 jas aralyǵyndaǵy azamattar qatysa alady.

Qatysýshynyń kórkem mátindi oqý sheberligine, daýys máneri men til tazalyǵyna basa nazar aýdarylady.

Baılanys telefony: 8 (7172) 75 73 12, 8 (7172) 75 72 90