«Ómir súrýge jaıly orta qalyptastyrý» úshinshi mindettiń sheńberinde turǵyn úı jaǵdaılaryn jaqsartýǵa, eldiń kez kelgen eldi mekeninde jaıly ári qaýipsiz ómir súrýge baǵyttalǵan  22 is-shara kózdelgen.

Bul mindetti iske asyrý úshin 5 zań qabyldanady.

Bul úshin bolashaqta Eldi aýmaqtyq-keńistikte damytýdyń 2030 jylǵa deıingi boljamdy sqemasy jańa formatta ázirlenip, qabyldanatyn bolady, bul Elimizdiń basqarylatyn ýrbanızasıasynyń jańa kartasyna aınalady. 

Óńirlerdi damytýdyń 2025 jylǵa deıingi baǵdarlamasy naqty is-sharalaryn, jobalary men qarjylandyrý kólemin kórsete otyryp kelesi jyly qabyldanatyn bolady.

Kólik ınfraqurylymyn, komýnaldyq jáne turǵyn úı qurylysyn damytý maqsatynda  «Nurly jol», «Nurly jer» memlekettik baǵdarlamalary 2025 jylǵa deıin uzartylatyn bolady.

Quqyq qorǵaý organdarynyń jumysyn túbegeıli jaqsartý jáne azamattar qaýipsizdigin qamtamasyz etý maqsatynda halyqpen jumys isteýdiń jańa zamanaýı formatyn engizýdi, qoǵamdyq qaýipsizdikti monıtorıń júrgizý júıelerimen qamtamasyz etýdi kózdeıtin ishki ister organdaryn jańǵyrtý boıynsha «Jol kartasy» qabyldanatyn bolady.

Sottardyń jumys isteýiniń zamanaýı formatyn jáne ozyq elektrondyq servısterdi engizý, artyq sot rásimderin qysqartý arqyly sot júıesin odan ári jańǵyrtý jalǵastyrylatyn bolady.