Jergilikti avtojol jelilerin qosqanda «Nurly jol» jobalaryn iske asyrýǵa 100 myń adam jumyldyryldy.

Búgin Ortalyq komýnıkasıalar alańynda QR Investısıalar jáne damý mınıstrligi, «Qazavtojol» UK» ókilderiniń qatysýymen baspasóz konferensıasy ótti. Bıyl «Nurly jol» memlekettik baǵdarlamasy aıasynda 4,6 myń km joldy qaıta jańǵyrtatyn 24 avtojol jobasy iske asyrylýda, onyń 22-si ótpeli joba.

Qazirgi ýaqytta Jetibaı-Jańaózen, Taldyqorǵan-Óskemen, Qandyaǵash-Maqat, Býrylbaıtal-Kúrti, Qalbataý-Maıqapshaǵaı, Merki-Býrylbaıtal jáne Astananyń ońtústik-batys aınalma joly jobalary boıynsha qurylys jumystary júrip jatyr.

«Uzynaǵash-Otar» ýchaskesinde vahtalyq qalashyq pen tehnıkalardy jumyldyrý jumystary bastaldy, al jyl sońyna deıin Balqash-Býrylbaıtal ýchaskesin qaıta jańǵyrtý jumystaryn bastaýdy josparlap otyrmyz. Aqtóbe-Maqat jobasy boıynsha uzaqtyǵy 159 km Aqtóbe-Qandyaǵash ýchaskesin jáne uzaqtyǵy 277 km bolatyn Atyraý-Astrahan avtojolynyń jumystaryn qarjylandyrýdy IDB-nen ADB men EQDB-ne aýystyrý týraly sheshim qabyldandy. Osyndaı jaǵdaılardy eskere otyryp, respýblıkalyq búdjet esebinen «QazAvtoJol» UK» AQ Aqtóbe-Qandyaǵash (60 km), Atyraý-Astrahan (60 km) ýchaskelerinde 120 km joldy rekostrýksıalaýdy bastady», - dep habarlady Avtomobıl joldary komıteti tóraǵasynyń orynbasary Amangeldi Bekov.

Sondaı-aq, 2021 jyly aıaqtalatyn Úlken Almaty aınalma avtomobıl jolynyń qurylysy bastaldy. Jergilikti avtojol jelilerin qosqanda «Nurly jol» jobalaryn iske asyrýǵa 100 myń adam jumyldyryldy. «Nurly jol» baǵdarlamasynyń jobalaryna paıdalanylatyn materıaldardyń 95%-dan astamy otandyq óndirýshilerdiki. 2018 jyldyń sońynda 528 km avtojol qozǵalysyn ashý josparlanyp otyr. Jolda qyzmet kórsetý nysandaryn damytýǵa aıryqsha kóńil bólinýde. Qoldanystaǵy jol qyzmetteri men olardyń sapasyn qamtamasyz etý úshin belsendi jumys júrgizilýde.

«Búgingi tańda respýblıkalyq jelide 1 859 birlik jolda qyzmet kórsetý nysany bar. Bıylǵy birinshi jartyjyldyqtyń qorytyndysy boıynsha olardyń 42% -y Ulttyq standartqa saı keledi (780 birlik). Jyl sońyna deıin jolda qyzmet kórsetý nysandarynyń Ulttyq standartqa saı keletinderin 850 birlikke nemese 45%-ǵa jetkizý josparlanyp otyr», - dedi Amangeldi Bekov.

Budan bólek, qoldanystaǵy nysandardy jetildirýmen qatar, qyzmetterdiń tolyq spektri bar jańa nysandardy salý jáne ulttyq standart talaptaryna saı keletin modýldik KazWay pavılondaryn ornatý jumystary júrgizilýde. Qyzmet kórsetý nysandaryn IRU Transpark, Google Maps, Iandeks Karta sıfrly kartalaryna engizý jumystary júrip jatyr.