Aqtóbe oblysynda halyqtyń ózekti máselelerin sheshý jáne ekstremızm men terorızmge qarsy turý maqsatynda «Halyq qaýipsizdigin qamtamasyz etý» jobasy júzege asyrylýda. Atalmysh joba sońǵy úsh jylda 7 ret ótkiziledi.

Budan buryn da óńirde Halyqpen jumys isteýdiń negizgi ekpini retinde ózekti áleýmettik máselelerdi sheshýge, Dinı ekstremızmniń aldyn alýǵa, memlekettik jáne salalyq baǵdarlamalardy júzege asyrý máselelerin túsindirýge jáne bıznes ortany damytýǵa basa nazar aýdarylǵan.

Joba aıasynda 10 kún ishinde Aqtóbe qalasy men Muǵaljar jáne Temir aýdandarynda 42 myń adamdy qamtyǵan 996 is-shara ótkizildi. Keńes berý jáne praktıkalyq kómekti 5 myńnan astam adam alsa, 36 adam jumysqa ornalastyryldy, sonymen qatar, 89 eńbek sharty jasaldy. Sondaı – aq, 35 azamatqa materıaldyq kómek kórsetildi. Az qamtylǵan otbasylarǵa jańa formattaǵy áleýmettik kómek taǵaıyndaldy.

4000 aýyl turǵyndary oblystyń úzdik dárigerlerinen medısınalyq tekserýden ótti, 21 kúrdeli hırýrgıalyq operasıa jasaldy, sonymen qatar, 218 otbasyǵa medısınalyq egýden bas tartý saldary túsindirildi. Jumys toptarynyń sarapshylary aýylda bıznes ortany damytý boıynsha sharalar qabyldaýda. Joba júzege asyrylǵannan beri 236 adam oqytý semınarlary men trenıńterden jáne sheberlik - klasstardan ótti. Kásipkerlerge aınalym qarajatyn tolyqtyrýǵa jáne negizgi quraldardy satyp alýǵa paıyzdyq sýbsıdıalaý boıynsha kómek kórsetildi, sondaı-aq sharýa qojalyqtaryna da aýyl sharýashylyǵy tehnıkasyn satyp alýǵa ınvestısıalyq sýbsıdıa túrinde qarjylyq qoldaý kórsetilip otyr.

2500-den astam turǵyn Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý" Joldaýynyń, «Prezıdenttiń 5 áleýmettik bastamasy», «Rýhanı jańǵyrý» baǵdarlamalyq qujattaryn túsindirý boıynsha kezdesýlerge qatysty.

Kezdesý barysynda ekspress-saýalnamalar arqyly halyqtyń ózekti máseleleri anyqtaldy. Oblystyń 23 turǵyny oblystyq jáne aýdandyq gazetterge tegin jazylý sertıfıkatyna ıe boldy.

Teologtar men ımamdar aýyl turǵyndarymen jeke jáne toptyq kezdesýler ótkizedi.

Sondaı-aq, 5 myńnan astam adamnyń qatysýymen terorızmge qarsy turý boıynsha oqý-tájirıbelik sabaqtar ótkiziledi.

«Halyq qaýipsizdigin qamtamasyz etý» jobasy aıasyndaǵy jumys 17 – qarashaǵa deıin jalǵasady.