Búgin Almaty ákimdiginiń qyzmetkerleri qalada qoǵamdyq kólik qozǵalysynyń kestesin kórsetetin elektrondy tablolar qashan paıda bolady degen suraqqa jaýap berdi dep jazady Qamshy.kz aqparat agenttigi.  Resmı derekterge súıensek, elektrondy tablolardyń salynýyna ákimdik tarapynan eshqandaı kedergi joq. Alaıda muny qala búdjetinen tys qarajatqa ornatytylýy qajet. Jospar boıynsha alǵashqy elektrondy tablolar Tımıráev kóshesiniń boıyndaǵy BRT jelisinde jyl sońyna deıin paıda bolady. Al bul isti Kólik holdıńi óz jaýapkershiligine alǵan.

«Megapolıs ákiminiń tapsyrmasyna oraı biz bul isti qala búdjetinen tys qarjy esebinen oryndaımyz. Sonymen birge qalanyń iri toraptyq aıaldamalaryn sıfrly tablolarmen qamtamasyz etetin bolamyz», dedi Jolaýshylar kóligi jáne avtomobıl joldary basqarmasynyń basshysy Talǵat Hoschanov.

Jolaýshylar kóligi jáne avtomobıl joldary basqarmasynyń basshysy Talǵat Hoschanov. -  200 myńnan astam tutynýshy onlaın-rejımde karta boıynsha kólik qozǵalysyn «Ońaı» qosymshasyndaǵy QR-kody arqyly biledi. 360 myń belsendi qoldaýnshy  CityBus qosymshasyn paıdalanýda. 

Jyl sońynda qoǵamdyq kólik baǵytynyń nómiri, jumys ýaqyty kórsetilgen belsendi aqparat ilinetin bolady.

Qazirgi tańda Almatydaǵy eń ózekti máseleniń biri qoǵamdyq kólik. Jyl sońyna deıin Almatyda jańa kóliktiń úlesi 87 paıyzǵa dkıin jetedi dep josparlanýda. Tipti ótken aptada qalaǵa 200 jańa avtobýs kelgen.

26 qarashada Almaty qalasynyń ákimi Baýyrjan Baıbekke qalaǵa kelgen jańa avtobýstar kórsetilgen bolatyn. Syıymdylyǵy úlken jańa avtobýstar №48 baǵyt boıynsha júredi. Sonymen qatar №12, 19, 56, 70, 77, 123, 124, 137 baǵyttar kúsheıtiledi.

26 qarashadan bastap  №36, 51, 125 baǵyttaǵy eski gazelderdiń orny­na jańa avtobýstar júre bastady. Atalmysh avtobýstar múmkindigi shekteýli jandar úshin qolaıly ári tar kóshelermen júre alady. №40, 46,122 baǵyttar da kúsheıtiledi.

Eski ári tútin shyǵaratyn avtobýs­tar­dyń qalada júrýine ruqsat joq. Jeke tasymaldaýshy kompanıalar jyljymaly qu­ram­­dy jańalamasa, olarmen kelisim buzylady. Budan ózge, qoǵamdyq kólik sala­syna jańa tehnologıalardy engizý máselesi tur. Bolashaqta bir kólikten ekinshi­sine tegin aýysýdy qaras­tyrǵan jón. Jolaýshylardyń kólik jumysyna qana­ǵattanýy – tasymaldaýdyń basty krıterııi. Jeke kólikti qazirgi deńgeıde ustap turý úshin laıyqty balama usyný qajet, – dep atap ótti megapolıs basshysy.