Qymbat kólikter túsińizge kirip júr me? Az ýaqyt bolsa da túsińizdi shyndyqqa aınaldyra alasyz. Qalaı? Almaty qalasynda jańa karsherıng iske qosyldy. Bul degenimiz Almaty qalasynyń turǵyndary men qonaqtary jap-jańa Volkswagen Polo kólikterin mınýttyq tarıfteý júıesi arqyly jalǵa ala alady.
Bul álemdegi damyǵan aldyńǵy qatarly memleketterinde qalyptasqan júıe. Qazir kólikti satyp alýdan góri jalǵa alǵandy jón kórgen sheteldikterdiń sany artqan. Bul júıe boıynsha elimizde kólikti jalǵa berý arqyly tabys tabatyn kompanıalardyń sany artýda.
«Karshetıng degenimiz belgili bir tulǵanyń nemese jekemenshik kompanıanyń atyna tirkelgen kólikterdiń jalǵa berilýi.Bir ereksheligi kólikti jalǵa berý baǵasy mınýtyna nemese júriletin joldyń shaqyrymyna tikeleı baılanysty bolyp keledi. Bul qyzmet Shyeısarıanyń Súrıh qalasynda XX ǵasyrda paıda bolǵan.
Negizinen karsherıng Qazaqstan úshin tańsyq uǵym deýge bolmaıdy. Mundaı qyzmet bizdiń elde birneshe jyl buryn iske bqosylǵan bolatyn. Alaıda bul qyzmettiń túri endi ǵana keń qoldanysqa túsip, suranysqa ıe bolyp jatyr.
Sol sebepten biz eń aldymen tutynýshylarymyzdyń kólik júrgizýdegi tájirıbesiniń 3 jyldan kem bolmaýyn talap etemiz. Bizde usynylatyn qyzmettiń baǵasy qoljetimdi. Kólikti bir táýlikke jalǵa alý quny onyń sanatyna qaraı 7 myńnan 15 myń teńgege deıin jetedi. Jalǵa alynǵan «temir tulpar» qozǵalysy kompanıa mamandarymen udaıy baqylaýda bolady. Bul baqylaý júıesi GPS arqyly júzege asyrylady. Nátıjesinde kompanıa óz menshigindegi kólik quraly men tutynýshynyń da qaýipsizdigin nazarda ustaıdy. Kólikti basqarý kezindegi zańdylyqtary, oqys oqıǵa oryn alǵan jaǵdaıda týyndaıtyn máseleler kelisim-shartta naqty kórsetilgen, –deıdi kompanıa dırektory Natalá Deda.
18 qazanda karsherıngtiń álemdik operatory Qazaqstandaǵy óz jumysyn bastady. Reseıde birneshe yl boıy tabysty qyzmet atqaryp kelgen kompanıa Anytime dep atalady. Al atalmysh kompanıany qurýshylar joǵary tanymaldylyqqa ıe «Delımobıl» jáne «Delısamokat» dep atalatyn qyzet túrleriniń basshysy atanǵan.
Anytime klmpanıasy týraly birer sóz
Bul kompanıanyń Qazaqstanǵa arnalǵan jospary óte aýqymdy bolyp keledi. Resmı derekterge súıensek, kompanıa qyzmeti iske qosylǵanna bastap 10 adam tirkelgen boıda kompanıa úshin 100 avtokólik qoljetimdi bolady. Kompanıa óziniń tutynýshylaryna Reseıde óndirilgen avtomatty transmısıaly jap-jańa Volkswagen Polo sedandaryn usynatyn bolady. Bıylǵy jyly kólikterdiń sany 100-ge artatyn bolsa 2019 jyly 500 danany quraıtyn bolady. Kompanıanyń jospary boıynsha 2021 jylǵa qaraı kompanıa 1,5 myń avtokólikten turatyn parkke ıelik etetin bolady. Qazirgi ýaqytta karsherıng óz qyzmetin Almaty qalasynan bastap otyr. Kelesi jyldan bastap Astanada da bul qyzmet iske qosylatyn bolady. Al 2019 jvldvń sońyna taman atalmysh avtokólikti Shymkentte de jalǵa alýǵa múmkindik bolady.
Bul qyzmet tym qarapaıym. Paıdalanýshyǵa tıisti qosymshany júktep, bank kartasyn bekite otyryp, júrgizýshi kýáligimen jáne jeke kýálikpen selfı jasaý arqyly tirkelý qajet bolady. Málimet rastalǵannan keıin avtokólikti ala berýge bolady.
Kólikter qala boıynsha shashyrańqy ornalasqan. Kólikke deıin jetip, ony iske qosý úshin tek 20 mınýt ýaqyt beriledi. Áıtpese kúttirgenińiz úshin qosymsha aqy tóleýge týra keledi, al onyń quny mınýtyna 13 teńgeni quraıdy. Al onymen júrý baǵasy mınýtyna 19 teńgeden táýligine 13 myń teńgege deıingi ártúrli tórt tarıf boıynsha esepteledi.
Kólikti qalanyń kez kelgen jerine,qaldyrýǵa bolady. Alaıda belgilengen shektiń ishinde ǵana qaldyrý kerek. Eń bastysy, turaq orny JQE-in buzbaýy tıis, al kólik qoljetimdi bolýy qajet.
Bul qyzmet túri taksı retinde de, jeke kólik retinde de tıimdi. Tipti qoǵamdyq kólikterge qaraǵanda anaǵurlym yńǵaıly, tek ketelissiz joldarmen ǵana júrý kerek. Sebebi siz úshin árbir mınýt tipti sekýnd aqsha bolyp tabylady. Eger kepteliske bosqa ýaqyt joǵaltqan bolsańyz biraz aqshany da bosqa joǵalttym dep oılaı berińiz.
Siz Anytime qyzmetin paıdanatyn bolsańyz kólikti jýýǵa qarajat jumsamaısyz, ári janarmaı úshin tutynýshy emes, kompanıa tóleıtin bolady. Eger kólikti jol jıegine qoıǵan bolsańyz, aqsha tóleýdiń qajeti bolmaıdy. Sebebi bul aqysyz.
Negizgi kompanıanyń sharttaryna keletin bolsaq: qyzmetti paıdalanýshynyń jasy 21-den kem bolmaý kerek. Sonymen birge tutynýshynyń kem degende eki jyldyq tájirıbesi bolý kerek. Taǵy bir aıta keterligi tutynýshynyń qolynda qarajaty bar bank kartasy bolýy qajet.
Temir tulpardy jalǵa alýdyń eń ońtaıly mezgili — tańǵy 6-dan 10-ǵa deıingi aralyq. Bul kezde ár mınýt úshin 19 teńge tóleısiz. Iaǵnı, eger úıden jumysqa deıingi aralyq 30 mınýtty qamtysa, onda 570 teńge berý qajet.
Qalaı desek te, álemdik avtokólik naryǵyndaǵy osy bir úrdis bizdiń óńirge de kelip jetti. Endigi kezekte jalǵa kólik berip tabys tabýdy maqsat etken komersıalyq uıymdar men olardyń qyzmetin tutynýshylar qaýipsizdik máselesin basty nazarda ustaýdy umyt qaldyrmaǵany jón.
Hadısha Hanqyzy
