Aldaǵy ýaqytta Qorǵasta 10 myń jumys orny ashylady dep jazady Qamshy.kz aqparat agenttigi. Bul týraly Amandyq Batalov sheteldik dıplomattarǵa Qorǵastaǵy habtyń jumysyn tanystyrý barysynda málimdedi.
Sheteldik dıplomattar Almaty-2 temirjol vokzalynan jolǵa shyǵyp, Altynkól stansıasyna deıin bardy. Keıin «Qorǵas-SHyǵys qaqpasy» arnaıy ekonomıkalyq aımaǵyna baryp, kólik logıstıkalyq múmkindikterimen tanysty. Atalmysh sharaǵa QR Syrtqy ister mınıstri Qaırat Ábdirahmanov, Almaty oblysynyń ákimi Amandyq Batalov jáne «Qazaqstan temir jol» kompanıasynyń basshylary qatysty.
Eske sala ketsek, bul sharany QR Syrtqy ister mınıstrligi men «Qazaqstan temir joly» UK aksıonerlik qoǵamymen birge ótkizip jatyr.
Amandyq Batalov sózin mınstrge alǵys aıtýmen bastady.
«Biz keshegi, respýblıka ómirindegi mańyzdy oqıǵadan soń kezdesip otyrmyz. Ózderińiz bilesizder, keshe barshamyz Memleket basshysynyń Qazaqstan halqyna Joldaý arnaǵanyn kórdik, onda bizdiń memleketimizdiń ekonomıkaǵa ınvestısıalardy tartý arqyly damý máselesi aıtyldy. Bizdiń oblysymyz aýmaǵyndaǵy ekonomıkalyq ósimniń jańa núktesin kórsetý maqsatynda Sizderdi shaqyrǵany úshin mınıstr myrzaǵa raqmet», - dedi Amandyq Batalov.
Sharaǵa qatysýshy dıplomattar «Qorǵas» EEA kólik logıstıkalyq múmkindikterimen tanysyp, ınfraqurylym nysandaryn aralady.
QR Syrtqy ister mınıstri Qaırat Ábdirahmanovtyń aıtýy boıynsha, dıplomatıalyq korpýs sapar aıasynda sharaǵa qatysýshylar osy óńirdiń jańa qyrymen tanysady eken.
Sonymen birge mınıstr búgingi tańda erkin ekonomıkalyq aımaqqa ASEAN, Eýropa, Afrıka jáne Latyn Amerıka elderiniń ókilderi kelgenin atap ótti.
Onyń sózinshe, osyn sharaǵa qatysqan dıplomattar men elshilerdiń árqaısysy ekonomıkalyq, saýda-ınvestısıalyq yntymaqtasty damytýǵa kúsh salatyn bolady.
Syrtqy ister mınıstri Qaırat Ábdirahmanov sheteldik dıplomattardyń aldynda sóılegen sózinde «Nurly jol» baǵdarlamasyn júzege asyrý Qytaıdyń Shyǵys jaǵalaýy – Lánúngan portynan Qazaqstan men Qytaı shekarasyndaǵy qurǵaq port arqyly temirjol jáne avtokólik joldary júıesi arqyly Kaspıı teńizinen Eýropaǵa aparatyn ońtaıly logıstıkalyq tizbekpen qamtamasyz etkenin atap ótti. Atalǵan logıstıkalyq tizbek Transkaspıılik halyqaralyq dálizdiń konteınerlik mýltımodaldy baǵyttaryn baılanystyratyndyqtan Ortalyq Azıa, Qytaı, Kavkaz, Túrkıa jáne Eýropa elderiniń seriktesteri úshin asa tartymdy bolyp tabylady.
«Memleket basshysy Qazaqstandy Eýrazıanyń asa mańyzdy kóliktik-logıstıkalyq habyna aınaldyrý boıynsha úlken mindet qoıdy, osy maqsatta biz «Soltústik - Ońtústik», «Shyǵys - Batys», «Batys Eýropa - Batys Qytaı» dálizderiniń tolyqqandy jumys isteýin qamtamasyz etýdi, «Nurly jol» aıasyndaǵy jańa ekonomıkalyq saıasatty qytaılyq «Belbeý jáne Jol» bastamasymen úılestirýdi, sondaı-aq Qazaqstannyń óńirlerin «Qytaı – Iran» kontınentaralyq magıstraldarymen jáne Kavkaz ben Reseı arqyly ótetin dálizimen baılanystyrýdy kózdeımiz», - dedi Mınıstr.
Memleket basshysynyń «Tórtinshi ındýstrıaldy revolúsıa jaǵdaıyndaǵy damýdyń jańa múmkindikteri» atty Joldaýyna sáıkes, Úkimet 2020 jyly tranzıttik tasymaldan túsetin jyl saıynǵy tabysty 5 mıllıard AQSH dollaryna deıin ulǵaıtýdy, konteınerlik tasymaldy 2 mıllıon JFM-ge (Jıyrma fýttyq mólsher – júk tasymaly quraldarynyń syıymdylyǵy ólsheminiń shartty birligi) jetkizýdi, áýe qatynasy arqyly jolaýshylar tasymalyn 4 esege ulǵaıtýdy jáne tranzıttik jolaýshylar aǵynyn 1,6 mıllıonǵa jetkizý josparlaýda.
Q. Ábdirahmanov byltyrǵy jyly Qazaqstan arqyly júk tasymaly 17%-ǵa ósip, 17 mıllıonǵa jýyq tonna quraǵanyn jáne 2015 jyldan bastap JİÓ-degi kóliktik salanyń úlesi orta eseppen 8%-dan tómen bolmaǵanyn atap ótti. «Qorǵas» SHYHO-nyń sátti júzege asyrylýynyń arqasynda qazirgi kezde qazaq-ózbek shekarasynda osy ispettes SHYHO qurý máselesi qarastyrylýda.
«Qorǵastaǵy» transshekaralyq seriktestikti damytý Qazaqstan-Qytaı qarym-qatynastarynyń negizgi jobalarynyń biri bolyp tabylady. SHYHO óz aýmaǵynda Qazaqstan jáne Qytaı azamattarynyń, sondaı-aq bolý eline resmı saparmen iskerlik kezdesýlerge, Qazaqstanda, Qytaıda jáne TMD elderinde óndiriletin ónerkásiptik ónimdermen tanysýǵa, saýda-sattyq jáne saýda kelisimderin jasaýǵa, demalysqa kelgen úshinshi eldiń azamattarynyń erkin qozǵalýyn júrip-turýyn qamtamasyz etedi.
Erkin ekonomıkalyq aımaqtyń jalpy aýmaǵy 4951,5 gektardy qurap otyr. Sonymen birge munda logıstıkalyq, ındýstrıalyq aımaqtar jáne «qurlyqtaǵy port» ýólik logıstıkalyq kesheni sekildi úsh negizgi aımaq bar.
Qurlyqtaǵy port EEA-nyń tirek býyny ári Altynkól stansıasymen baılanysty qamtamasyz etip, teńiz portynyń prınsıpteri boıynsha jumys isteıdi. Iýar aıyrmashylyǵy bul jerde júkter men kemelerdiń ornyna poıyzdardy tasymaldaıtyn bolady.
Keıin oblys ákimi Amandyq Batalov «Qorǵas» AEA mańynda salynyp jatqan jańa Nurkent qalasynyń damýy týraly aıtty.
Oblys ákiminiń aıtýy boıynsha, jańa qalanyń naqty josparlanǵan jobasy jasalyp qoıǵan. Joba 2030 jylǵa deıin 100 myń turǵyny bar úlken qala qurylady eken.
Sonymen birge ákim jergilikti bılik ókilderiniń jańa óndiris oryndaryn jumysshylarmen qamtamasy etý boıynsha jumys atqaryp jatyr. Aldaǵy ýaqytta «Qorǵasta» 10 myń jumys orny ashylady dep josparlanýda. Eger olar otbasyn qurǵan jaǵdaıda 50 myń turǵyny bar qalaǵa aınalatyn bolady. Sonymen qatar atalmysh qalada qazaqstandyq joǵary oqý oryndary men kolejder «Qorǵasta» jumys isteý úshin jańa mamandardy daıyndap shyǵaratyn bolady.
Hadısha Hanqyzy
