Qazaqstannyń ekonomıkasyn kóterýip, básekege qabilettigin arttyrý maqsatynda «Sıfrly Qazaqstan» baǵdarlamasy jańa jobalardy usynyp otyr dep jazady Qamshy.kz aqparat agenttigi. Atalmysh baǵdarlama usynǵan jobalardyń biri «EgovKzBot» telegramm-boty. «Ulttyq aqparattyq tehnologıalar» AQ iske qosqan bot arqyly buǵan deıin 13 memqyzmet pen servıs kórsetilgen.
Anyqtama, áleýmettik mártebeni tekserý men bazalyq zeınetaqy tóleminiń kólemi týraly aqparat alý, emhanaǵa tirkelý, dárigerge jazylý jáne dárigerdi úıge shaqyrtý, sondaı-aq halyqqa qyzmet kórsetý ortalyǵynda (HQO) kezekti brondaý qyzmetteri syndy qyzmetter qoljetimdi edi. Endi bot arqyly ózińizge jaqyn jerde ornalasqan HQO týraly bilip, sondaı-aq bala týýǵa baılanysty proaktıvti qyzmetterdi alý múmkindigi týdy. Iaǵnı, týý týraly kýálikke tapsyrys berý, bala týý boıynsha járdemaqylardy rásimdeý jáne sábıdi balabaqshaǵa kezekke qoıý tipti jeńildeı tústi. Bir artyqshylyǵy barlyq aqparatty qoldanýshynyń elektrondyq poshtasyna joldaý múmkindigi de qarastyrylǵan. Egov.kz portalynyń mamyrda iske qosylǵan telegram-boty arqyly qazaqstandyqtar shamamen 14 myńdaı memlekettik qyzmet aldy.
Qazaqstandyqtar bul bot arqyly jumys izdeı de alady.
"Ulttyq aqparattyq tehnologıalar" AQ QR Eńbek jáne halyqty áleýmettik qorǵaý mınıstrligimen birlesip, jumyssyzdar men jumys berýshiler úshin ázirlengen @EgovKzBot (Telegram-bot) arqyly eki qosymsha qyzmetti iske qosty, dep habarlaıdy BNews.kz kompanıanyń baspasóz qyzmetine silteme jasap.
"Árbir múddeli tulǵa (jumys berýshi nemese izdenýshi) "jumys tabý" nemese "maman tabý" degen qajetti komandany tańdaý qajet. "Jumys tabý" qyzmetin tańdaý kezinde paıdalanýshy jumysqa ornalasqysy keletin aımaqty kórsetý, sondaı-aq qalaǵan pozısıany (taldaýshy, muǵalim jáne t.b.) kórsetý qajet", - delingen habarlamada.
Nátıjesinde, @EgovKzBot paıdalanýshysy elektrondyq eńbek bırjasynyń enbek.kz saıtynan tartylatyn jalpy túıindemelerdiń sanyn alady, sonymen qatar, kóterilip otyrǵan máseleler boıynsha naqty bir qorytyndy berý úshin mekemede tekseris ótkizý qajet ekenin habarlaımyz.
Jumys berýshilerge "mamandy tabý" qyzmeti qajetti bos jumys orny (erkin toltyrý) boıynsha qyzmetkerdi izdestirýge múmkindik beredi. Ol úshin tıisti aımaqty kórsetip, suralǵan derekterdi kórsetý qajet.
Nátıjesinde mamandardyń barlyq tiziminen jeke kartochkalaryn qarap, tıisti kandıdatýrany suhbatqa/suhbattasýǵa shaqyrýǵa bolady.
