Elbasy tapsyrma berse de áli de jedel túrde iske aspaı jatqan birneshe josparlar bar dep jazady Qamshy.kz aqparat agenttigi. Árıne kósh júre kele túzeledi demekshi araǵa biraz ýaqyt salyp birneshe máselelerdiń sheshilip ketetinine senemiz. Álemdik ishki ónimniń 70 paıyzynan astamy qalalardyń úlesinde bolsaǵ bizdiń eldegi ishki japy ónimniń 30 paıyzyn Astana men Almaty qalasy ǵana qamtamasyz etip otyr. Nelikten ózge óńirlerdiń úlesi tym az bolyp otyr? Bıylǵy jyly ǵana Elbasy elimizdegi basqa da qalalardyń ishki jalpy óniminiń úlesin kóbeıtý týraly tapsyrma bergen bolatyn.
Ata-babamyz ańsaǵan táýelsizdikke qol jetkizgennen bastap atalmysh eki qalanyń turǵyndar sany mıllıonnan asyp, megapolısterdiń sany úsheýge jetken bolatyn. Halyq sany kún sanap artyp keledi. Alaıda bir ókinishtisi qalalardaǵy ınfraqurylymdyq jaǵdaı jaqsy emes. Elimizdegi basqa qalalardyń ınfraqurylymy suranysqa saı jedel damı almaı jatyrǵany jasyryn emes. Atalmysh olqylyqtardyń ornyn toltyrý maqsatynda «Nurly jol», «Nurly jer» baǵdarlamalary qolǵa alynǵan bolatyn. Bıylǵy jyly jergilikti mańyzy bar joldarǵa 150 mlrd teńgege, aýyldy aýyzsýmen qamtamasyz etý maqsatynda 100 mlrd teńge qarajat bólingen bolatyn. Elbasynyń bıylǵy joldaýynda óńirlerdi buqaralyq sportty damytýǵa basa mán bergenin de eskergen jón.
Elbasy bıylǵy Joldaýynda óńirlerde buqaralyq sportty damytýǵa da basa mán berdi. Ol úshin Úkimet pen ákimderge kem degende 100 deneshynyqtyrý-saýyqtyrý keshenin salýdy tapsyrdy. «Bul – deni saý qoǵam qalyptastyrý úshin óte mańyzdy bastama», – deıdi sala mamandary. Sadyq Mustafaev, QR BǴM «Ulttyq ǵylymı-praktıkalyq dene tárbıesi ortalyǵy» MK bas dırektory: – Bolashaq Azıa, Olımpıada júldegerleri aýylda júr. Olardyń sporttyq zaldary, jattyǵatyn jerleri bolmaǵannan keıin ondaı múmkindik joq. Elbasy óskeleń jas urpaqtyń densaýlyǵyn nyǵaıtý úshin tapsyrmalar berip jatyr. Osyǵan arnaıy Bilim mınıstrliginiń buıryǵymen Qazaqstannyń myń mektebinde úshinshi sabaq fýtbol sabaǵy dep kirgizdi. Bul qazirgi tańdaǵy mektep qabyrǵasyndaǵy oqýshylardyń sportqa degen talpynysyn ózgertedi.
Óńirlerdi damytýda medısına salasy da nazardan tys qalǵan joq. Keler jyldan bastap elimizdegi emhanalardyń barlyǵy qujattardy elektrondy júıemen júrgizedi. Tıisinshe dárigerler qaǵazbastylyqtan qutylady. Sondaı-aq Elbasy eń aldymen aýyldarda alǵashqy medısınalyq sanıtarlyq kómekti qoljetimdi etýdiń mańyzydylyǵyn atap ótti. Roza Abzalova, MSAK salasynyń sarapshysy: – Prezıdenttiń alǵashqy kómek kórsetetin dárigerlerge nazar aýdaryp, olarǵa qoldaý kórsetkeni qýantty. Osy sala úshin arnaıy 5 mıllıard teńge bólindi. Bul az aqsha emes. Iaǵnı medbıkelerdiń aılyǵyna shamamen 15 myń, al dárigerlerge 20 myń kóleminde aqsha qosylady. Óńirlerdi damytý maqsatynda Elbasy 2019 jyldyń 1 qyrkúıegine deıin elimizdiń 2030 jylǵa deıingi aýmaqtyq-keńistiktik damýynyń boljamdy sqemasyn ázirleýdi tapsyrdy. Sonymen qatar óńirlerdi damytýdyń 2025 jylǵa deıingi pragmatıkalyq baǵdarlamasyn ázirleýdi júktedi.
Hadısha Hanqyzy
