Almatyda kólikti reformalaý aıasynda qalanyń qoǵamdyq kóligin jańartý odan ári jalǵasýda. Jumys sapary kezinde Almaty ákimi Baýyrjan Baıbek jeke tasymaldaýshylar alǵan jańa avtobýstardy kórdi.
«Almagúl» eldi mekeni men metronyń «Raıymbek beketi arasyn jalǵastyratyn №98 baǵyt boıynsha «City-BUS» jeke tasymaldaýshy «MAZ» markaly ári Evro-5 ekolgıalyq synybyna saı, tómen edendi 15 avtobýs satyp aldy. Avtobýstardyń syıymdylyǵy úlken, kondısıonerlermen jabdyqtalǵan jáne kýzovy ıilmeli. Jaqyn kúnderi Almatyǵa osyndaı taǵy 35 avtobýs jetkiziledi.
Óz kezeginde №2 avtobýs parki №67 baǵyt boıynsha qyzmet kórsetý úshin 17 tómen edendi avtobýstar alǵan edi, endi taǵy eki baǵyttyń jyljymaly sostavyn jańartý josparlanýda.
«Biz jolaýshylardy sonaý 90-shy jyldardaǵy eski kóliktermen tasymaldap keldik.Adamdar únemi renish bildiretin. Baǵyttardy sýbsıdıalaý arqasynda biz avtobýstardy jańartyp, jıilikti 100%-ǵa qamtamasyz etýdemiz ári júrgizýshilerdiń aılyǵyn 240 myń teńgege deıin kóterdik», - dedi kompanıa dırektory Shamıl Nýrıev.
Bulardan ózge, «BaTý Travel» kompanıasy №102 baǵytyndaǵy kólikterdi jańartty, olar Shańyraq, Akbulaq, Uljan, Ójet, Aınabulaq eldi mekenderi men «Almaty-1» temirjol vokzalyn qamtıdy. Baǵytta syıymdylyǵy shaǵyn 18 avtobýs júrýde, barlyǵy vıdeokameralarmen jabdyqtalǵan.
Aıta keterligi, Almatyda jyl aıaǵyna deıin jańa qoǵamdyq kóliktiń deńgeıin 80%-ǵa deıin jetkizý josparlanǵan.
Baǵyttardy sýbsıdıalaý erejesiniń basty talaptarynyń biri avtobýs parkteriniń júrgizýshiler jalaqysyn kóterýleri bolyp tabylady, sonyń arqasynda óz isiniń bilikti mamandary tartylyp, servıs sapasy artýda.
Buryndary Almaty kólik júıesiniń keshendi júıesin júzege asyrǵany úshin aqyldy qalalar Eýropalyq forýmynyń joǵary marapatyn ıelendi.
Konkýrs komıteti Almatynyń kólik reformasyn júıeli júrgizgenin, qoǵamdyq kóliktegi tabystyń ashyqtyǵyna sıfrlyq tehnologıany utymdy paıdalanǵanyn, kiristi kóleńkeli aınalymnan shyǵarǵanyn, ekologıany jaqsartýǵa basymdyq bergenin jáne basqa negizgi krıterıılerdi júzege asyrǵanyn atap ótti.
