Almatyda «Smart City» jobasy aıasynda ıtalándyq ınvestısıa esebinen elimizdegi eń iri «Anytime» karsherıng-servısi ashyldy. Jumys sapary kezinde megapolıs ákimi Baýyrjan Baıbek avtomobıldi mınýt saıyn jalǵa alýǵa bolatyn jańa jobanyń júıesimen tanysty.

«Mıkro Kapıtal» halyqaralyq holdıńiniń prezıdenti Tranı Vınchenso óziniń sózinde bul jobanyń jańa tehnologıany utymdy paıdalanýdyń jarqyn úlgisi ekenin, sonyń arqasynda qala turǵyndary ýaqyttary men qarjylaryn únemdeıtinin ári megapolıstiń jol- kólik ınfraqurylymynda júktemeni tómendetetinin atap ótti.

«Biz Almatyda jaıaý júrginshi ınfraqurylymynń jańarǵanyn, kólik reformasynyń júzege asqanyn, bıznesti damytý úshin barlyq jaǵdaılardyń jasalyp jatqanyn, qala turǵyndarynyń turmys deńgeıiniń arta túskenin kórýdemiz. Bizdiń mobıldi qosymshamyz arqyly bos turǵan avtomobılge aqy tólep, almatylyq aglomerasıa aýmaǵynda kólikti tıimdi paıdalanýǵa bolady. Servıs klıentteri kólikke maı quımaıdy, jýmaıdy, turaqqa aqsha tólemeıdi, belgili bir jerge qaldyryp kete almaıdy», - dedi Tranı Vınchenso.

Mysaly, jalǵa alǵan kólikpen tek qala ishinde ǵana emes, negizgi týrısik destınasıalarǵa, Medeýge, ÚAÓ, tipti Qapshaǵaıǵa deıin barýǵa bolady. Avtomobılde avtomatty qosylǵysh, artqy kórinistik kamera, navıgator jáne klımat retteýshi bar.

Qazirgi kezde jobaǵa 4 mıllıon evro ınvestısıa jumsalǵan, «Volkswagen Polı» markaly 100 avtomobıl daıyn tur ári jańa jumys oryndary ashylatyn bolady.«Almatyda ortasha jalaqysy 300 myń teńge bolatyn 50 jergilikti maman jumysqa tartyldy. Jas ári óte daryndy, «Bolashaq» baǵdarlamasynyń túlegi, kezinde «Uber» kompanıasynda istegen Muhıt Seıdahmetovty erekshe atap ótkim keledi. Ol meniń orynbasarym, barlyq óńirlerdegi bıznestiń damýyna jaýap beredi. Almatyda qalany transformasıalaý aıasynda jaıaý júrginshi jáne velosıped ınfraqurylymy jasalǵandyqtan kompanıeı kelesi jyldan bastap elektrli samokattar servısin ashýdy qarastyratyn bolady», - dedi halyqaralyq «Mıkro Kapıtal» holdıńiniń prezıdenti.

Aıta keterligi, jaqynda Almaty kólik júıesin keshendi reformalaǵany úshin aqyldy qalalardyń Eýropalyq forýmynyń joǵary marapatyna ıe boldy.Konkýrs komıteti Almatynyń kólik reformasyn júıeli júrgizgenin, qoǵamdyq kóliktegi tabystyń ashyqtyǵyna sıfrlyq tehnologıany utymdy paıdalanǵanyn, kiristi kóleńkeli aınalymnan shyǵarǵanyn, jaıaý júrginshi jáne qoǵamdyq keńistikti modernızasıalaý nátıjesinde ekologıany jaqsartýǵa basymdyq bergenin jáne basqa negizgi krıterıılerdi júzege asyrǵanyn atap ótti.

Jyl aıaǵyna deıin qoǵamdyq kóliktiń úlesin 80%-ǵa deıin jetkizý josparlanǵan.