Premer-mınıstrdiń orynbasary Erbolat Dosaevtyń Almaty qalasynyń aktıvimen kezdesýi barysynda Prezıdenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýyn oryndaýdaǵy Úkimettiń aldaǵy atqaratyn jumystarynyń basty baǵyttary talqylandy dep habarlaıdy megapolıs ákimdiginiń baspasóz qyzmeti.

Mysaly, Memleket basshysy tapsyrmalarynyń negizgi bólikteriniń biri óńirlerdegi azamattardyń ómirin jaqsartýǵa baǵyttalǵan. Erbolat Dosaev óziniń sózinde eger buryn respýblkalyq máni bar ınfraqurylymdardy damytýǵa mán berilse, budan bylaı óńirlik jáne qalalyq ınfraqurylymdardy órkendetýge erekshe nazar aýdarylatynyn, al bul Almaty úshin óte mańyzdy ekenin atap ótti.

«Keler jyldyń 1 qyrkúıegine deıin 2030 jylǵa deıingi aýmaqtyq- keńistiktik damýdyń Strategıasy jasalady, munda basqarylatyn ýrbanızasıaǵa aksent beriledi. Halyqty ornalastyrý, óńirlerdiń arnaıy salalaryn anyqtaý, ónidiristi damytý, ınfraqurylymdy qamtamasyz etý osy prızma arqyly júzege asady, al bul el óńirlerinde kishi ýrbanızasıanyń qanat jaıýyna tyń serpin beredi. Túrli eldi mekender – aýyldar men respýblıkalyq máni bar qalalar úshin aımaqtyq standarttar júısin jasaý josparlanýda, onda áleýmettik qoldaý men memlekettik qyzmet kórsetýdiń qoljetimdiligi naqtyly aıqyndalady», - dep atap ótti Erbolat Dosaev.

Úkimet basshysynyń orynbasary óńirlerdi damytýǵa jańasha turpatta kelý qala turǵyndarynyń turmys sapasyn jaqsartyp, óńirlik eknomıkanyń damýyna oń áser etetinin aıtty. Óńirlerdegi turǵyndardyń ómirin jaqsartý «Nurly Jol» jáne «Nurly Jer» syndy baǵdarlamalardy 2025 jylǵa deıin júzege asyrýmen tikeleı baılanysty.Tek Almatynyń ózinde ǵana jyl aıaǵyna deıin 2 mln.kv.m. turǵyn úıdi iske qosý josparlanǵan.

Mektep jasyna deıingi mekemelerde jáne mektepterde bilim berýdiń sapasyn arttyrý úshin bıylǵy jyldyń sońyna deıin Jol kartasy jasalyp, bekitiledi, bul qujatta mektep jasyna deıingi mekemeler tárbıeshileriniń bilimin arttyrý jáne biryńaı biliktilik talaptary kórinis tabady, PIZA, SAT, AST syndy halyqaralyq standarttarǵa kóshý iske asady.

Bulardan ózge, mektepter qurylysyn eldi mekenderdiń damý josparlarymen sáıkestendirý tapsyryldy, al bul jeke sektor ınvestısıasy esebinen mektep qurylystaryn salý qarqynyn arttyrady.