Qazaqstan Respýblıkasynyń prezıdenti Nursultan Nazarbaevtyń Joldaýyna súıensek, bes áleýmettik bastama otandyq bıznesti qoldaıtyn birden-bir jol. Bul týraly májilis depýtaty Albert Raý aıtty.
«Kóktemdegi bes áleýmettik bastama men Elbasynyń búgingi kúngi Joldaýy úlken mańyzǵa ıe. Nazarbaev ta muny anyq atap ótti: bastamanyń bári derlik qazaqstandyqtardyń baı-qýatty ómir súrýi úshin. Alaıda munyń bári ekonomıkamen tyǵyz baılanysty ekenin esten shyǵarmaýymyz tıis», - dedi ol.
Sol sebepti májilismen Elbasynyń Joldaýy aıtylǵan kúndi qazaqstandyq bıznes, kásiporyn, óndiristegi eń qýanyshty kún ekenin atap ótti. Ári Memleket basshysynyń 5 áleýmettik bastamany júzege asyrý úshin 1,5 trln teńgege baǵalaǵanyn da habardar etti.
Aıta keteıik, 5 qazan Nursultan Nazarbaev jyl saıynǵy Joldaýymen qazaqstandyqtardyń aldyna shyqty. Joldaýynda «Qazaqstandyqtardyń ál-aýqatyn arttyrý: tabys pen ómir súrý sapasyn kóterý» taqyrybyn qozǵady.
Birinshiden, halyq tabysynyń ósýine asa mán berý kerektigin eskerdi. Osy oraıda Úkimetke 2019 jyldyń 1 qańtarynan bastap eń tómengi jalaqyny, ıaǵnı 28 myńnan 42 myńǵa deıin ósirýdi, búdjettik mekemelerde jumys isteıtin 275 myń qyzmetkerdiń eńbekaqysyn 35 paıyzǵa ósirýdi tapsyrdy. Ári jańa jumys oryndarynyń ashylǵanyn habarlady.
Ekinshiden, ekonomıkadaǵy básekelestikti damytý jaıyn ári turǵyn úı-kommýnaldyq sharýashylyǵy men tabıǵı monopolıalar úshin belgilengen tarıfter salasynda belgili bár tártip ornatýdy tapsyrdy.
Buǵan qosa, bıznes salasy, eksportqa baǵyttalǵan ındýstrıalandyrý máselesi, agroónerkásip kesheni, ınovasıalyq jáne servıstik sektorlardy damytýǵa erekshe kóńil bólýdi tapsyrdy.
Úkimettik nazaryna taǵy myna máselerdi erekshe qadap aıtty:
Halyqtyń turmys sapasyn arttyrý. Osyǵan oraı tómendegideı tapsyrmalar berdi:
Birinshiden, 5 jyl ishinde bilim, ǵylym, densaýlyq saqtaý salalaryna jumsalatyn qarajatty ishki jalpy ónimniń 10 paıyzyna deıin jetkizý qajet;
Ekinshiden, mektepke deıingi bilim berý sapasyn túbegeıli jaqsartý;
Úshinshiden, orta bilim berý júıesine basa nazar aýdarý;
Tórtinshiden, aldaǵy jyly «Pedagog mártebesi» týraly zań ázirlep, muǵalimderdiń qyzmetine qurmetpen qaraý;
Besinshiden, joǵarǵy bilim berý sapasyna mán beri ári medısına salasyna da aıryqsha nazar aýdaryp, adam densaýlyǵyn birinshi orynǵa qoıýdy tapsyrdy.
Ári Elbasy ómir súrýge jaıly orta qalyptastyrý máselesin de umyt qaldyrǵan joq. Halyqqa sapaly ári qoljetimdi turǵyn úı qarastyrý qajettigin aıtty. Osy oraıda kóktemde Elbasynyń bastamasymen qolǵa alynǵan 5 áleýmettik bastama negizinde, «7-20-25» baǵdarlamasy júzege asa bastaǵan edi. Alaıda Elbasy halyqtyń baǵdarlamaǵa qyzyǵýshylyǵy azyn aıtyp, sheneýnikterdi synap, dereý shara qoldanýdy tapsyrdy.
