Almaty ákimi Baýyrjan Baıbek Jańa Zelandıa Elshisi Ian Hıllmen kezdesti. Kezdesý barysynda taraptar saýda-konomıkalyq jáne mádenı-gýmanıtarlyq baılanystardy nyǵaıtý máselelerin talqylady.

Dıplomatıalyq mısıa basshysy EAES, QHR men Orta Azıa naryǵyna jol ashyp otyrǵan qalanyń kólik-logıstıkalyq áleýetin joǵary baǵalady. Ol óziniń sózinde geografıalyq qashyqtyqqa qaramastan taraptardyń ózara yntymaqtastyqty qalyptastyrýǵa múmkindikterdiń zor ekenin atap ótti.

Qazirgi kezde Almatyda zamanaýı «aqyldy» tehnologıalardy engizýge, «jasyl» ekonomıka ınovasıasyn damytýǵa erekshe mán berilgen. Óz kezeginde Jańa Zelandıa eldegi energıanyń 85 paıyzyn qamtıtyn energıa kózderiniń tehnologıasyn belsendi túrde alǵa jyljytýda.

Bulardan ózge,startap-kompanıalardyń qoldaýy arqasynda Jańa Zelandıa jańa tehnologıalardy shyǵarýdyń úshinshi iri eksporttyq statásyna aınalǵan ári Búkilálemdik «Doing Business» bankiniń reıtıńi boıynsha bıznesti jeńil júrgizýdiń kóshbasshysy, al Qazaqstan munda 36 oryndy ıelengen.

«Almaty - sulý jáne erekshe qala, týrızmdi damytýdaǵy múmkindigi joǵary. Qala ortalyǵynan taýshańǵysy kýrortyna nebári 20-30 mınýtta jetýge bolatyny tańdanarlyq. Men týrızmge mamandanǵan jańazelandıalyq kompanıalardyń mundaǵy ashyq áleýetterge qyzyǵatynyna senimdimin. Jańa Zelandıa joǵary tehnologıaly IT-qyzmetterdi syrtqa shyǵarady, bul salada biz ózara jemisti baılanysty júzege asyra alamyz», - dep atap ótti Ian Hıll.