Aldaǵy ýaqytta elimizdiń soltústik óńirindegi 40-qa jýyq aýyldy taratý josparlanyp otyr dep jazady Qamshy.kz aqparat agenttigi.  Endigi jerdi memleket bolashaǵy bar eldi mekenderdi damytý maqsatynda ǵana qarajat bóletin bolady.

Búgin Eńbek jáne halyqty áleýmettik qorǵaý mınıstri Madına Ábilqasymova jumys babymen Soltústik Qazaqstanǵa issaparmen bardy. Ol issapar kezinde Soltústik Qazaqsan oblysynyń áleýmettik-ekonomıkalyq damýynyń parametrlerimen qatar, oblystyń tynys-tirshiligimen tanysyp qaıtty. Qyzyljr aýdanynyń ortalyǵy esepteletin Beskóldi aralaǵan mınıstr óńirdiń aıtarlyqtaı damyp kele jatqanyn, aýyl turǵyndarynyń turmystyq sapasy jaqsaryp kele jatqanyn aıtyp ótti.

Madına Ábilqasymovanyń aıtýy boıynsha, 2018 jyly óńirlerdi damytý baǵdarlamasy jańartylypty. Aldaǵy ýaqytta tek bolashaǵy bar eldi-mekenderge ǵana búdjetten qarajat bólinip, áleýmettik nysandar qurylysy, jol jóndeý, sý qubyrlaryn tartý jáne basqa da jaǵdaılar jasalatyn bolady.

«Soltústik Qazaqstan oblysy  úlken. Bul oblysta turǵyndarynyń sany 50-den aspaıtyn 100 shaqty asa aýyl bar. Búginde turǵyndarynyń sany 10-ǵa jýyq 38 aýyldy taratý prosedýrasy júrip jatyr. Memleket basshysy resýrstardy tıimdi paıdalaný jáne tek bolashaǵy bar aýyl, aýdan ortalyqtaryn ǵan qarjylandyrý týraly aıtty. Ondaǵy turǵyndar sany qanshalyqty kóp bolsa, jumys orny da sonshalyqty kóbeıedi. Sonymen qatar bul shaǵyn jáne ortasha bıznestiń damýyna negiz bolady», – deıdi Mádına Ábilqasymova.