Búgin Elbasy Nursultan Ábishuly Nazarbaev TMD elderi basshylary keńesiniń kezekti otyrysynan keıin Shymkent qalasyna jumys saparymen bardy dep jazady Qamshy.kz aqparat agenttigi. Memleket basshysynyń Shymkentke jumys sapary «PKOP» JSHS-nyń Shymkent munaı zaýytynan bastaý aldy. Nursultan Nazarbaev atalmysh zaýyttyń jumysymen tanysyp, baǵa berdi.
Shymkent munaı óńdeý zaýytynyń jańǵyrtý jobasyny negizinen 2011 jyly Jańa ındýstrıalandyrý baǵdarlamasy aıasynda bastalǵan bolatyn. Jobanyń qýattylyǵy jylyna 6 mln tonna munaı óńdeýge jetedi eken. Al ınvestısıa kólemi 580 mlrd teńgeni quraıdy.
Aıta ketetin bolsaq, Shymkent munaı óńdeý zaýytyn jańǵyrtý jáne qaıta qurý jobasy negizgi eki kezeńde júzege asyrylǵan bolatyn. Alǵashqy kezeńde kompanıa Keden odaǵynda qabyldanǵan K4 jáne K5 ekologıalyq klasty benzın men dızel otynynyń óndirisin quraǵan. 15 tamyzda zaýytta sapaly ónim shyǵarya bastady. Jylyna qýattylyǵy shamamen alǵanda 2 mln tonna shıkizat óndiretin RFCC katalıtıkalyq krekıng qondyrǵysyn ornatý josparlanyp, UOP amerıkandyq kompanıanyń tehnologıasymen júzege asyryldy. Tikeleı aıdalatyn mazýtty qabyldaǵanǵa deıin energıa resýrstaryn – otyn gazyn, elektr energıasyn, salqyndatqysh sýdy, BÓP aýasyn, azot jáne sý býyndaryn turaqty qabyldaý qamtamasyz etilgen, energetıkalyq jabdyqtar, dala aspaptary, tehnologıalyq prosesti basqarýdyń jáne avarıaǵa qarsy qorǵanýdyń bólingen júıesi, mazýt sırkýlásıasy qosylǵan.
«Shymkent» ÁKK tóraǵasy Rashıd Aıýpov Memleket basshysyna úshinshi megapolısti sıfrlandyrý jobalary týraly baıandady.
Baıandamada bilim berý sapasyn jaqsartý jáne ashyqtyq qaǵıdatyn qamtamasyz etý maqsatynda 4 negizgi jobanyń iske asyrylyp jatqandyǵy aıtylyp ótti. Olar: Indigo jobasy, “Damumed”, ”Qaýipsiz qala” jáne “Qoǵamdyq kólik” jobasy. Jobalar týraly tolyǵyraq málimet keltiretin bolsaq:
Indigo jobasy. Blockchain baǵdarlamasyn paıdalana otyryp, búldirshinderdi balabaqshalarǵa avtomatty túrde qabyldaýǵa múmkindik beredi.
“Damumed” jobasy. Bul joba mobıldi qosymsha dárigerdi úıge shaqyrýǵa, dárigerdiń qabyldaýyna jazylýǵa jáne emdeý mekemesinde esepke turýǵa múmkindik beredi.
“Qaýipsiz qala”jobasy. Atalmysh joba barysynda zıatkerlik qıylystar sany 21-ge deıin artqan. Bul joba boıynsha qalada 479 beınekamera ornatyldy.
“Qoǵamdyq kólik” jobasy. Bul jobanyń aıasynda 2019 jyly 30 avtobýs elektrondy bılet júıesimen jabdyqtalady. Sonymen qatar 2019 jyldyń birinshi toqsanynda 300 jańa avtobýs, 2019 jyldyń sońyna deıin taǵy 700 avtobýs satyp alý josparlanýda.
TÚKSH jáne AÓK salasynda da jobalar bar. Sondaı-aq, qalany basqarý júıesine jasandy ıntellektti engizý jónindegi joba jasalǵan. Qazir úsh baǵytta jumys júrgizilýde: aqyldy ekonomıka, áleýmettik senim jáne AÓK baǵalaý boıynsha modýl qurý.
Start Up jobalardy júzege asyratyn “Shymkent TechGarden” sıfrlyq ortalyǵyn qurý josparda tur.
Sultan Ábishuly
