Ótken senbi kúni Almatyda jalpyqalalyq senbilik uıymdastyryldy. Tazalyqqa erekshe mán beretinder kóshelerdi, aýlalardy, qoǵamdyq oryndar men aryq júıelerin, sondaı aq ózen arnalary men jaǵalaýyn qoqystan tazartty.

Aýdan ákimdikteri senbilikke shyqqan azamattardy qajetti quraldarmen qamtamasyz etti. Túrli uıymdar, medısına jáne bilim berý mekemeleriniń qyzmetkerleri, Páter ıeleri kooperatıvteri men stýdentter birge jumyldy. 

«Qar túspes buryn biz qalany qoqystan tazartý maqsatynda osy senbilikti uıymdastyrdyq. Sharaǵa 180 myńnan astam almatylyq qatysyp, olar jınaǵan qoqysty 800-den astam arnaıy tehnıka tasydy», – dedi Almaty qalasy Tabıǵı resýrstar jáne tabıǵatty paıdalanýdy retteý basqarmasynyń bas mamany Aleksandr Sergeev.