Almatynyń pedagogtary balabaqshalarǵa arnalǵan ádistemeni engizý boıynsha tájirıbeniń úshjyldyǵyn qortyndylady.

2016 jyldan bastap qaladaǵy 6 balabaqsha ınovasıalyq júıe boıynsha jumys isteýde. Búldirshinder álemdi qum terapıasy, oıyn tehnologıalary arqyly tanyǵan. Al logıkalyq oılaýdy Denısh bloktary arqyly úırenipti.  

«Qoldanylǵan tehnologıalardy arnaıy tańdalyp alynǵan balabaqshalarda synap kórdik. Olardyń barlyǵy balaqaılardy jalyqtyrmaıdy. Oıyn formatynda júrgizilgendikten sharshamaıdy. Denesh teksheleri ádistemeniń bir túri. Ádisteme aldymen pedagogtardyń óz qyzmetterinde túrli tárbıeleý quraldary men joldaryn oılap tabýy úshin qajet», – dedi Almaty qalasy №113 balabaqshanyń meńgerýshisi Sholpan Qalıasqarova.  

Qazaqstan boıynsha tájirıbege 77 mektepke deıingi mekeme qatysqan. Árqaısysynyń óz ádisteri bolypty. Al úshjyldyq tájirıbeniń nátıjesi bilim mınıstrligi maquldaǵan ádistemelik quralǵa engizilgen. Osylaısha, 2019 jyldan bastap barlyq balabaqsha 1 jastan 6 jasqa deıingi balalardy damytýǵa arnalǵan biryńǵaı baǵdarlamany qoldanatyn bolady.