Ústimizdegi  jyldyń   qazan  aıynyń  25-shi   juldyzynda   Ál – Farabı   atyndaǵy   QazUÝ-niń  Joǵary oqý  ornyna deıingi  bilim  berý fakúltetinde   Joǵary oqý  ornyna  deıingi daıyndyq  kafedrasynda   «Altyn   kúz»  taqyrybymen     merekeli  is – shara  ótti.  

Bul  is – sharaǵa  Qytaı  Halyq respýblıkasynan,  Ózbekstan  Respýblıkasynan,  Monǵolıadan,  Irannan   kelgen  qandas baýyrlarymyz   qatysty. 

Zal  taqyrypqa,  merekege  saı  túrli  gúldermen,   altyndaı  sary  sharlarmen  bezendirlgen.   Qatysýshy  tyńdaýshylar  is – sharaǵa  óz qoldarymen  tabıǵı  materıaldardy  paıdalanyp,  túrli   buıymdar,  maketter,  qabyrǵa  gazetterin,  gúl  salatyn  qumyralar,  lashyq  úıler,  qus    uıasyn  jasap    kórkem  de  ásem  sheberligimen  kópshilikti  tamsandyrdy.  Tyńdaýshylardyń  qolóneri  men  án – bı  ónerin,  tapqyrlyǵy  men  sheshendik  ónerin  baǵalaýǵa   kafedramyzdyń   qazaq  tili   pániniń  aǵa  oqytýshysy   Rahıla Tursynqyzy,  tarıh  pánini  oqytýshysy  Baýyrjan  Esimhanuly,  Ýnıversıtetimizdegi  Beıindi  mekteptiń qazaq  tili páni  muǵalimi – Ulpan    Sábenqyzy  tórelik  etti.

 Atalmysh  keshimiz   top  qyzdarymyzdyń  oryndaýynda áni  Nurǵısa  Tilendıev,  sózi  Tumanbaı  Moldaǵalıev  aǵalarymydyń  « Qustar  qaıtyp  barady»  ánin  shyrqaýmen   bastaldy.  Án  bite  salysymen  sahna  tórine   ketip  bara jatqan  «Jaz»  hanshaıymy  men  kelip  jetken  «Kúz»  hanshaımyn   dý  qol  shapalaqpen  shaqyryldy.   Olar  aıtysqa  túsip,  sońynda  «Jaz»  hanshaımyn  «Kelesi  kezdeskenshe!» - dep  shyǵaryp  salysty.

Tyńdaýshylar   kóńildi  keshti    jalǵastyryp,    ánnen,  bıden  ónerlerin  aıamady.   Jumbaq  sheshý   saısynan  da  súrinbeı  ótip  jatty.  Aıta  ketý  kerek,  óz ónerlerimen  2-shi  toptan  Órken,  7-shi  toptan  Kúnsulý,  10-shy  toptan  Tilek  esimdi  tyńdaýshylar  oza  shyqty.   Ádil – qazylar  da  upaılaryn  aıta  otyryp,  merekeniń  sánin  keltirdi.

Tyńdaýshylardy  óz  ana  tilinde   erkn  sóıleýge,  sóz  baılyqtaryn  jetildirýge   baýlyp,  «Sheshendik  óner»  saıysynda  baqtary  synaldy,  10  top  ishinen  erekshe  tapqyrlyǵymen   Kúnsulý,  Erkejan, Qaınar syndy  balalar   kózge  túsip,  razy  boldyq.   Ádil  qazylar   tyńdaýshylardyń   óz qoldarymen  tabıǵı  materıaldardardan   jasaǵan   túrli   buıymdar,  maketter,  qabyrǵa  gazetteri,  gúl  salatyn  qumyralar,  lashyq  úıler,  qus    uıasyn  kózden  tasa  qaldyrmaı  baǵalaryn  berip  upaılarmen  baǵalady.

Kóńildi  Altyn  kúz  keshi  de  máresine  jetip,   nátıjesinde  8 – shi,  7-shi, 5-shi  toptar  júldeli  oryndarǵa  qol  jetkizdi.  Tyńdaýshylar men  oqytýshylar  kóterińki kóńil  kúımen tarap jatty.

Úsenbekova  Aınagúl Ermekbaıqyzy,

ál-Farabı atyndaǵy Qazaq  Ulttyq  Ýnıversıteti ,

Joǵary oqý  ornyna deıingi  bilim  berý   fakúlteti,

Joǵary oqý  ornyna  deıingi daıyndyq  kafedrasynyń

 aǵa oqytýshysy