ShaHardyń shejiresine aınalǵan «Vechernıı Almaty» gazetine 50 jyl, al onyń qazaqsha nusqasy – «Almaty Aqshamy» gazetine 30 jyl.

Á. Qasteev atyndaǵy murajaıda qala tarıhynan syr shertetin, oqyrmannyń kóńilinen shyqqan basylymdardyń jyldar boıy jınaǵan materıaldarynyń kórmesi ashyldy. Kórmege fototilshilerdiń 80-nen astam jumysy qoıylǵan.

«Árıne 30 degen de úlken dáýir. Bul da bir kezeń. Mereıtoı degen jaqsy ǵoı, árıne. Degenmen, sony ıntelektýaldy baǵytta, jurtqa oı salatyndaı etip ótkizsek dep oılaǵan edik. Sondyqtan búgin eki gazettiń fotokórmesin uıymdastyryp otyrmyz», – dedi «Almaty aqshamy» gazetiniń bas redaktory Qalı Sársenbaı.

Kórmedegi eski muraǵattaǵy sýretterdi jınaý úshin 3 aıdan asa ýaqyt ketti deıdi uıymdastyrýshylar. Mundaǵy ár sýrettiń ózindik estelikteri bar. Kórmege kelgen fototilshiler ózderiniń jumystaryn kórip, eski Almatyny eske túsirdi. Mundaǵy burynǵy sırk beınelengen sýretke qarap, qalamyzdyń qanshalyqty ózgergenin baıqaýǵa bolady deıdi kelýshiler. Aıta keteıik, kórme eki kúnge sozylady.