Mańǵystaý oblysy ákimi apparatynyń basshysy bolyp Tájibaev Nurlan Tólegenuly taǵaıyndaldy.

Ol 1975 jyly dúnıege kelgen. 1999 jyly Abaı atyndaǵy Almaty memlekettik ýnıversıtetiniń «Saıasattaný» mamandyǵyn, 2015 jyly KEBBM «Almaty Menedjment Ýnıversıteti» «İskerlik ákimshilik magıstri» mamandyǵyn támamdady.

Eńbek jolyn «Aqtaý qalasy ákiminiń apparaty» memlekettik mekemesinde aǵa maman qyzmetinen bastaǵan.

2005 jyldyń qańtar aıynan mamyr aıy aralyǵynda uıymdastyrý jáne kadr jumystary bóliminiń bastyǵy bolyp istedi.

2005 jyldyń mamyr aıynan bastap 2009 jyldyń tamyz aıy aralyǵynda Munaıly aýdanynyń Mańǵystaý selosy ákiminiń orynbasary, keıin osy selonyń ákimi kyzmetin atqardy.

2009–2010 jyldary Mańǵystaý oblysynyń týrızm, dene shynyqtyrý jáne sport basqarmasy bastyǵynyń orynbasary boldy.

2010-2011 jyldary Mańǵystaý oblysynyń ákimi apparatynda uıymdastyrý-baqylaý bóliminiń bas ınspektory.

2011- 2013 jyldary Mańǵystaý oblysynyń Qaraqıa aýdany ákiminiń orynbasary,

2013 jyldan 2015 jyldyń shilde aıyna deıin Munaıly aýdany ákiminiń orynbasary qyzmetin atqaryp keldi.

2014 jyldan bastap «A» korpýsynyń memlekettik ákimshilik qyzmetiniń kadr rezervine 1-shi sanattyń 2-shi tobynyń 3-kishi tobyna tizimge alyndy.

2015-2018 jyldary Munaıly aýdanynyń ákimi qyzmetin atqardy.

«Qazaqstan Respýblıkasynyń Táýelsizdigine 20 jyl» merekelik medalimen jáne Ortalyq «Nur Otan» Halyqtyq demokratıalyq partıasynyń, Oblys ákiminiń «Qurmet» gramotasymen, alǵys hattarymen marapattalǵan.