Bul jóninde aımaq basshysy Eraly Luqpanuly málimdedi. Aqordada Elbasy Nursultan Nazarbaevtyń tóraǵalyǵymen ótken Qaýipsizdik Keńesiniń otyrysta elektr jáne jylý energıasyna qoldanystaǵy tarıfterdiń qalyptasýy, sondaı-aq energetıkalyq qyzmet naryǵynda baǵa belgileýdi baqylaýdy qamtamasyz etetin memlekettik organdardyń qyzmeti talqylandy. Oblys ákimi Memleket basshysyna óńirdegi komýnaldyq qyzmetter tarıfteri týraly baıandaǵan bolatyn. Ol óz sózinde Mańǵystaý oblysynda qoldanystaǵy tarıfterdi tómendetý boıynsha naqty sharalar qabyldanǵanyn aıtty.

-Osy jyldyń 1 qyrkúıeginen bastap 187 myń adamdy qamtıtyn elektr taratýdyń tarıfi Aqtaý qalasy boıynsha 26% -ǵa tómendetildi. Buryn-sońdy mundaı kórsetkish bolmaǵan. Ekinshiden, 1 shildede elektr qýatyn óndirý tarıfi «QazTransGazAımaq-pen» birlese otyryp, oblystyń búkil turǵynyn qamtýmen 8% - ǵa tómendetildi. Bul naqty qabyldanǵan sharalar. Eki energıa berýshi kompanıanyń elektr energıasyn jetkizý sqemasynan alyp tastaý arqyly Aqtaý qalasynyń qala mańy boıynsha tarıf 5 myń adamdy qamtı otyryp, 17% - ǵa tómendedi. Nátıjesinde barlyq oblys boıynsha elektr energıasyna tarıftiń jalpy tómendeýi orta eseppen 17% qurady, - dedi Eraly Toǵjanov baıandamasynda.