Kómirdiń kezeginde turǵan ataqty dzúdoıst Jasulan Ábıev qaıtys boldy dep habarlaıdy Qamshy.kz aqparat agenttigi FACTUM-ǵa silteme jasaı otyryp.
SHQO polısıa basqarmasynyń málimdemesi: «Stepnoı eldimeken turǵynynyń 13 qarasha kúni óltirilýine baılanysty QR Qylmystyq kodekstiń 106 baptyń 3 tarmaǵy boıynsha sotqa deıingi tergeý amaldary bastaldy. Jedel-izdestirý jumystarynyń nátıjesinde 1994 jylǵy semeılik qolǵa tústi. Qazirgi tańda ol ýaqytsha qamaý ızolátorynda otyr».
Kómirdiń aınalasyndaǵy ajıotaj bıyl da qaıtalanyp jatyr. Bolashaǵynan zor úmit kúttiretin sportshymyzdyń kógildir otynǵa bola qapıada kóz jumýyna baılanysty áleýmettik jelide qaıǵyryp kóńil aıtyp, kómir máselesin kóterip jatqandar kóp.
Marqum Jasulan Ábıev 60 keli salmaqqa deıingi sanatta myqtylardyń qatarynda. Ol dzúdo kúresi boıynsha halyqaralyq týrnırlerdiń, Qazaqstan chempıonattarynyń júldegeri bolǵan.
