Aqtóbe oblysynyń ákimi Berdibek Saparbaev oblystyq jáne qalalyq áskerge shaqyrý pýnktterinde boldy.

Qorǵanys isteri jónindegi departamenttiń bastyǵy, polkovnık Seıtkerim Arapbaev óńir basshysyn jedel áskerı qyzmet jumysynyń uıymdastyrylýymen jáne jınalý pýnktiniń materıaldyq-tehnıkalyq qamtamasyz etilýimen tanystyrdy.Berdibek Saparbaev Almaty qalasyna áskerı boryshyn óteýge ketip bara jatqan áskerge shaqyrylǵandarmen áńgimelesti.

* Otanǵa qyzmet etý – árbir azamattyń qasıetti paryzy. Kelesi jyly sizder Qarýly Kúshter qatarynda qyzmet etesizder, odan sizder abyroımen ótýlerińiz kerek. Ómirde eń bastysy – bilim alýǵa umtylyp, elimizdiń tirtibi men zańyn saqtaý kerek. Ol úshin memleket barlyq jaǵdaıdy jasap jatyr. Sizder jassyzdar, bári alda. Sizderge jarqyn bolashaq tileımin,- dedi oblys ákimi.

Óńir basshysy sondaı-aq, Tótenshe jaǵdaılar departamentiniń óńirlik oqý ortalyǵynda da boldy. Munda jyl saıyn respýblıka boıynsha 600-ge tarta órt sóndirýshi, qutqarýshy jáne súńgýir daıyndaıdy. Ortalyq zamanaýı oqý jattyǵý qurylǵylarymen, ádebıetpen jáne oqytýshylar quramymen tolyqtaı jasaqtalǵan.