Golandıalyq bıznesmen "Grın Kapıtal Qazaqstan" JSHS basshysy Aleven Dıederık Teodorık Aqtóbe oblysynyń sheteldik ınvestorlarǵa nesimen tartymdy ekenin aıtty.

Ol sondaı-aq jergilikti bılikke Aqtóbe qalasyndaǵy jylyjaı kesheniniń qurylysy boıynsha jobany júzege asyrýǵa qoldaý kórsetkenderi úshin rıshalyǵyn bildirdi.

- Búginde jylyjaı qurylysyna 20 mln dollardaı ınvestısıalandy, kelesi jyly taǵy 10 mln-ǵa jýyq dollar salý josparlanyp otyr. Aqtóbe oblysy bizdi arzan gazymen, jaqsy aýa raıymen jáne Reseıge jaqyndyǵymen tartady. Jobany júzege asyrý kezinde biz jergilikti bılik tarapynan, atap aıtqanda avtokólik joldary men gaz tartý máselelerinde aıtarlyqtaı qoldaý taptyq. Kórsetken qoldaýlaryńyz úshin sizderge alǵysymdy bildirgim keledi,-dedi ol qala aktıvimen kezdesý kezinde.

Sondaı-aq, sheteldik ınvestor oblys ákimin jaqyn arada ashylatyn jylyjaıdy kórýge shaqyrdy.

Óz kezeginde Berdibek Saparbaev ta oǵan óńir ekonomıkasyna qosqan úlesi úshin alǵys aıtty.

- Biz óńir halqyn jańa pisken kókónispen qamtamasyz etip, aýyl sharýashylyǵy ónimderin eksporttaýǵa múddelimiz. Sondyqtan biz ınvestorlardy qashanda qoldadyq jáne ári qaraı da qoldaıtyn bolamyz,-dep sendirdi ákim.