Qazaqstan Respýblıkasy Prezıdenti Ákimshiliginiń kelisimimen Túrkistan oblysynyń ákimi J.Túımebaevtyń ókimimen Túrkistan oblysy ákiminiń orynbasary bolyp Otarbaev Málik Nurjanuly taǵaıyndaldy dep jazady Qamshy.kz aqparat agenttigi. Bul týraly Túrkistan oblysy ákiminiń baspasóz qyzmeti habarlady.

Málik Nurjanuly 1980 jyly 2 aqpanda Jambyl oblysy, Aqjar aýylynda týylǵan.

Eńbek jolyn 2001 jyly Ál-Farabı atyndaǵy Qazaq Ulttyq ýnıversıtetiniń Halyqaralyq qatynastar fakúltetinde stajer-zertteýshi bolyp bastaǵan.

2003 - 2016 jyldar aralyǵynda Ál-Farabı atyndaǵy Qazaq Ulttyq ýnıversıtetiniń  Halyqaralyq qatynastar fakúltetinde aspırant, «Dıalog» Eýrazıa-Qazaqstan» jýrnalynyń jaýapty hatshysy, bas redaktory, bas úılestirýshisi, Qazaqstan Jazýshylar odaǵyna qarasty «Qalamger» jýrnalynyń bas úılestirýshisi Qazaqstan Respýblıkasy Mádenıet jáne sport  mınıstrliginiń Halyqaralyq túrki mádenıetin damytý TÚRKSOI uıymyndaǵy ókili bolyp qyzmetter atqarǵan. 

2016 jylǵy sáýir aıynan Qazaqstan Respýblıkasy Túrkıa Respýblıkasyndaǵy elshiliginiń Úshinshi hatshysy laýazymyn atqaryp keldi.