Qazaqstan Respýblıkasynyń Tuńǵysh Prezıdenti kúni qarsańynda, 2018 jylǵy  28-29 qarasha kúnderi Shyǵys Qazaqstan oblysynyń Óskemen qalasynda alǵash ret «Digital East – Bolashaqqa qadam» halyqaralyq IT-forýmy ótedi.

Atalǵan is-shara «Rýhanı jańǵyrý» baǵdarlamasy men «Sıfrly Qazaqstan» memlekettik baǵdarlamasyn iske asyrý aıasynda ótkiziledi.

Forýmnyń negizgi maqsaty – Elbasynyń 2018 jylǵy               5 qazandaǵy  «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýyndaǵy basty mindet - halyqtyń ómir sapasyn arttyrýǵa baǵyttalǵan, úzdik IT-sheshimderdi anyqtaý jáne qoldaý.

Búgingi tańda konkýrsqa qatysý týraly 35 kompanıadan 50 ótinim jáne 14 Start-up ázirleme tústi. Uıymdastyrý komıteti ótinimderdi qabyldaý merzimin 2018 jylǵy 15 qarashaǵa deıin uzartty.

Konkýrsqa qatysý týraly ótinimdi beınebaıandardy kosa usyný arqyly, myna mekenjaıǵa joldaýǵa bolady: Óskemen qalasy, Qazaqstan kóshesi, 59/1 úı, 2-qabat, tel. 8(7232) 60-62-93, elektrondyq poshta: kgucit@digitaleast.kz.

 Forým qorytyndysy boıynsha úzdik IT-sheshimder salasynda túrli nomınasıalar boıynsha 10 jeńimpaz Shyǵys Qazaqstan oblysy aýmaǵynda óz jobalaryn ázirlep, engizý úshin arnaıy granttarmen marapattalady.

Tirkeý formasyn 2018.digitaleast.kz. saıtynda toltyrýǵa bolady.