"Ana tili" gazetiniń bas redaktory Janarbek Áshimjan Elbasynyń "Uly dalanyń jeti qyry" atty maqalasyna qatysty óziniń pikirin bildirdi, dep jazady Qamshy.kz aqparat agenttigi.

"Ulttyq sananyń, tarıhı sananyń qalyptasýyna qatysty Elbasy Táýel-sizdik alǵaly dúrkin-dúrkin platformalyq maqalalar jarıalap keledi. Búgin Elbasy jergilikti qazaqtarǵa bizdiń tarıhymyzǵa 550 jyl emes, 2000 da emes, 5000 jyl degendi meńzep otyr. Tarıhyńdy tany, oqy, kór dep jatyr. Bul maqala tarıhshy, ádebıetshi, jazýshy-dramatýrgterge ǵana emes, maqala meniń zamandastaryma tastalǵan uran dep qabyldaý kerek. Ásirese, bizdiń mádenıet, rýhanıat, sporttaǵy stýdentter, jastar qaýymy moıyn bursa degen tilegim bar. Óıtkeni, men patrıotpyn dep aıtý, urandatý, kók týdy kóterý ońaı, oǵan ǵylymı turǵydan baǵa berý qajet. Tarıhı sanany ǵylymı turǵyda bekitýimiz kerek.

«Bolashaqqa baǵdar: rýhanı jańǵyrý» jáne «Uly dalanyń jeti qyry» maqalasyna oraı jumys isteıtin ınstıtýt ashý kerek dep esepteımin. Bizdiń búkil tarıh, murajaı, mádenıet, rýhanıat, mádenı muralarymyz ben salt-dástúrimizge arnaıy qurylym qursa degen oıym bar. Ǵylym ordasyndaǵy búkil ınstıtýttar jumys isteýde, olardyń jumysyn joqqa shyǵarmaımyz. Solardyń jumysyn birizdendiretin ıdeologıalyq bir ortalyq kerek-

aq. Búgingi maqala ulttyq ıdeologıaǵa jumys jasaıtyn nómiri birinshi maqala bolyp tur. Ata tarıhymyzǵa qaıta oralý úshin jasalǵan qadam. Bul el kútken joba", - deıdi Janarbek Áshimjan.